Korrika

Euskararen aldeko lasterkaldiak arorik ederrena gozatu ahal izan du Baigorriren zeharkatzeko, joan den ortzirale eguerditan. Iguzkitsu eta ezti. Gure hizkuntzari atxikimendua ehunka jendek aldi bat gehiago erakutsi dute. Izpegiko bideko pattarren beldurrik gabe eta hango lepoan Baztaneko laguneri juntatzea eta lekukoa emaitea ere biziki pollita izan da, giro alai eta kartsuan.

Pilota

Zaharrer Segi elkarteak ezker paretan antolatu atxiki ttipi lehiaketaren finala joan den ibiakoitzean jokatzen zen. Zoin gehiagoka ikusgarri baten ondotik, kintze soil baten abantailarekin trenkatu da:

Benat Frantchisteguy-Bixente Izoco 40/ Paxkal Dutey-Iban Riouspeyrous 39.

Mus

Frantses federazioak antolatzen duen xapelketan, 3 pare baginituen sailkatuak kantonamenduko finaletan parte hartzeko, joan den igandean eta hauetarik bakar bat sailkatu da final egun nagusian parte hartzeko, Pazko astelehenez, Lasan: Anthony Zent eta Paxkal Dutey.

Aste hondar frango betea ukan du Paxkal Dutey Aparainek, ibiakoitz arratsez pilotan doi doietarik galdu eta, biharamunean musean kalifikatu baita.