Otsail ostegunak: "Palestina, eguneroko odoltsua", otsailaren 6an Donapaleun

Zabalik elkarteak 28. aldikoz, otsail ostegunak ostegun huntan abiatzen ditu, Donapaleuko Herriko Etxeko sala berdean (20:30). "Palestina, eguneroko odoltsua" izanen da gaia. Huna nola Zabalikek aurkezten daukun gaualdi hori:

1917tik hasi prozesua eta han izan direnen lekukotasunak, Palestinak eta Israelek azken urtean gure begiradak berenganatu dituzte. Baina afera horrek azken 100 urtetako aktualitatea betetzen du. Gaurko aberekeriak erroak kolonizazio historia luze hortan ditu bistan. Aldiz ikusten dugu ozkaz-ozka egoera itzulezinezko bilakatzea dela helburua, gerla baizik ez dela posible gehiago, genozidioa eta lur errea bide bakarra, eta baten garaipena bestearen ezabatzearen ondorioa baizik aterabidea. Gaualdi huntan, gaia hurbiletik landua dutenen argibideak izanen ditugu, bai denboraren perspektiban, bai ere geopolitikaren zabalean. Lehen partean, 1917tik gaur arte Palestina izaitetik Israel izan arte izan diren urratsen aurkezpen bat ukanen dugu. Azkenik, hemen lanean ari diren sustengu talde batzuek esplikatuko daukute zer egin dezakegun hemendik han gertatzen diren itsuskerien biktimak direnen laguntzeko.

Hitzalditik landa, baso baten inguruan bi ele partekatzen ahalko ditugu.

Itoiz taldearen gaualdia Donapaleun otsailaren 15ean

Itoiz talde mitikoari buruz,Ainhoa Andraka, Zuri Goikoetxea eta Larraitz Zuazok egin dokumentala presentatua izanen da otsailaren 15ean, ibiakoitzez, Donapaleuko zineman (21:00).

Filmak Itoizen ibilbidea kontatzen du, 80. hamarkadako euskal rock taldea, Juan Carlos Perez liderraren begiradaren bitartez. 1987an, Getxon (Bizkaia) kontzertua eman ondoren, Juan Carlos Perezek Itoiz desegitea erabaki zuen, taldea bere arrakastaren gailurrean zelarik. Bederatzi urte, hamar disko eta "Lau teilatu" izenburu enblematikoen ondotik, taldeak bere erreberentzia egiten zuen. Bereizte mingarria, dokumentalak eragin handia ukan duen talde baten garaipena apaintzen du.

Proiekzioaren ondotik, kontzertua emana izanen da Donapaleuko San-Luis zinegelan.

2025eko Libertimendua Donapaleun otsailaren 16an

Aurten ere Kitzikazank eta Burgaintzi taldeen eskutik Donapaleun Libertimendua izanen da.

Atxik gaurdanikotsailaren 16ko eguna.