Herriz Herri - Lasa (NB) | 2025eko Otsailaren 06a
Auzapezaren agiantzak
Urtarrila agiantzen hilabetea dela nork ez daki? Guk 26an ginituen Mizel Idiart auzapezarenak. Herritarrek nonbre handian ihardetsi dute ukana zuten gomitari, gure artean ginuen herritarra dugun Annick Trounday Idiart Departamenduko kontseilaria. Deneri desiratu du osagarrizko urte ona, bakotxak gogoan dituen xede, asmo, egin nahi lituzkeen guzien kausitzea eta betetzea. Eskertu ditu kontseiluko lagunak, idazkari, langile elkarte guziak, bazuen lan denen izendatzen. Laburzki aipatu du 2024ko urtea, antolaketak izan direla nagusiki, herriko aldizkarian ukanen ditugula xehetasunak. Denek gogo onez entzun dugu ez dugula zerga emendatzerik ukanen, herriko konduak osagarri onean direla. Aipatu ditu ere Bidainian egin beharrak diren egoitzak laster ikusiko ditugula obratzen eta lehentasuna herriko gazteeri emanen zaiela. Biltzarraren bururatzeko zerbitzatuak izan zauzkigu bazkal aitzineko jan-edanak nasaiki, elgarrekin solasean gozatu ditugunak ez baigira ohartu ordularia noraino joana zen.
