Zirko kabareta

Udaberria heltzen da! Eta egun ederren itzultzea ospatzeko, Ziliportaka elkarteak antolatu zuen Zirko kabareta berria, larunbat hontan herriko ezkerparetan, ederki apaindua horregatik.

Aldi hontan, hitzordua emana zen 19:00tan artista amateur eta profesionalen emanaldiaz gozatzeko. Arlo desberdinak izan ziren ikusgai: eskuketa, pailazoak, akrobaziak, trapezioa, diaboloa, baita musika ere bai. Jateko eta edateko pausaldi ttipia eta gero, suzko eskuketaren erakustaldia proposatua izan zen kanpoan, nahiz eta euri pixka bat egin. Arratsalde goxoa izan zen haur eta helduentzat, giro onarekin eta erakustaldi ederrekin!

Ziliportaka elkarteak nahi ditu eskertu laguntzaileak eta etorri ziren jende guziak.

Zine topaketa

Heldu den ostiralean (19:00), herriko zineman zine topaketa izanen da endometriosari buruz.

Lehenik, "endometriosa: borroka segitzen" deitzen den dokumentala proiektatua izanen da, eta eztabaida segituko da "Endofrance" elkarteko parte hartzaileekin. Sartzea libro eta urririk da, ez duda etortzea!