Kepa Anabitarte (Pasaia, 1934), frankismo denboran euskal sindikalismoaren ikurra izandakoa zendu da. Gaztea zelarik abiatu zuen militante ibilbidea, ELA sindikatuan, eta horregatik, erbesteratu behar ukan zuen. 70eko hamarkadan Euskal Sozialisten Biltzarra (ESB) sortu zuen.

Anabitarte Euskal Herriaren askatasunaren alde bermatu da bizi osoan. Familia euskaldun eta abertzale batean sortu zen, Trintxerpe auzoan. Han murgildu zen langile borroken eta zapalkuntza gogorraren testuinguruan.

Municheko 1962ko kongresuaren ondotik, ELA sindikatuaren lehen zatiketa handiaren eragileetako bat izan zen, herriaren askatasunera heltzeko bideei eta analisiei zegozkien funtsezko desadostasun politikoen ondorioz. ELA-berri taldearen arduradun izan zen geroztik.

ELA sindikatuaren eta ESB alderdiaren sortzean parte hartzeaz gain, kooperatibismoan lan egin zuen eta Gipuzkoako industria guneetako arduradun izan zen. Halaber, Nabarralde Fundazioaren sustatzaileetako bat bezala eta...

Irungo terma erromatarrak 1996an aurkitu zituzten, eta joan den astean zabaldu dituzte, publikoak ikusteko gisan. Oiasso Museoaren eskaintza kulturalaren parte izanen dira.

Zabaltze ekitaldi instituzionala apirilaren 11n egin dute politika-kargudun andanaren presentzian. Arkeolanen sortzaile eta Oiasso Museoaren sustatzaile izen zen Jaime Rodriguez Salinen familiak ere parte hartu du ospakizunean.

3.500.000 euroko aurrekontua bideratu dute terma erromatarretara. Diru horrekin, erakustokiaren eraikina handitu dute. Halaber, eremu berri bat zabaldu dute, museoa eta termak lotzen dituena.

CAF taldeko Solarisen kontratu berria

Beasaingo CAF Taldeko Solaris konpainiak ehun milioi euro baino gehiagoko bi kontratu erdietsi ditu Suedian, herrialdea 170 autobus elektrikoz hornitzeko.

Lehen kontratua Nobina Sverige AB operadorearekin sinatua izan da. Autobus horietako gehienak (89) Stockholmeko hirigunean eta hiri-inguruetako guneetan zerbitzua emateko izanen...

EAEko hezkuntza publiko ez-unibertsitarioan greba egun gehiago izanen direla jakinarazi dute Steilas, LAB, ELA eta CCOO sindikatuek. Maiatzaren 12tik 16ra lanuzteak eginen dituzte irakasleek. Mugimendua segitzeko arrazoiak azaldu dituzte sindikatuen bozeramaileek. Hauen arabera, Hezkuntza Sailak helarazi dien azken proposamena ez da nahikoa, eta "eduki, zehaztapen eta bermeak" falta dira.

Joan den urtarriletik daramaten protesta mugimenduak iraun duen denboran Hezkuntza Sailak ukan duen jarrera kritikatu dute sindikatuek. "Jarrera itxia, eszenifikazioa, edukirik gabeko bilerak, eta greba desaktibatzeko xantaiak" egitea leporatzen diote Begoña Pedrosa sailburuari.

Aldi bat gehiago, beren aldarrikapenak oroitarazi dituzte: lan-zamak arintzeko neurri zehatzak, erretreta hartzeko baldintzak hobetzea, langile-taldeen berritze plana eguneratzea, erosahalmena berreskuratzea eta ikastetxe publikoen fusio eta hesteak gertatzen direlarik enplegu publikoa bermatzea.

Espainiako Auzitegi Gorenak EAEko Udal Legea garatzen zuen dekretuaren zenbait artikulu baliogabetu ditu, PPren galdeari men eginez. Ezeztatuak izan diren artikuluek udaletxeetan euskararen erabilpena lehenetsi behar dela zehazten zuten. Beraz, hemendik aitzina Herriko Etxeek ez dute beren lana euskara hutsean egiteko ahalik ukanen, langile guziak euskaldunak izanik ere.

Erabakiaren kontra agertu dira UEMA, Euskalgintzaren Kontseilua eta LAB sindikatua, bertzeak bertze. Kontseiluak lehen epaia ezagutu zenean adierazitakoa berretsi du, erabakia "oldarraldi judizialaren" baitan kokatuz.

Halaber, Kontseiluak azpimarratu du erabaki honek "udalak erabat babesgabe utzi dituela hainbat jarduera euskara hutsean egin ahal izateko". Horrez gain, ohartarazi du ebazpen irmoak Udal guziak hunkituko baditu ere, bereziki kaltetuko dituela euskara nagusi den eremuetako udalak, UEMAkoak, adibidez.

Ildo horretan, UEMAk eta UEMAko kide diren udalek adierazi dute epai horiek "marra...

Euskal Herria Batera plataformak Aberri Egun bateratua ospatzeko ekitaldi kulturala egin du apirilaren 11n, Donostiako Kursaalen. Alderdi eta sindikatu abertzaleen eta eragile sozialen ordezkari anitzek erantzun diote deialdiari eta EAJ eta EH Bildu alderdiek ordezkaritza zabala izan dute ospakizunean.

"Zer garen ospatu eta zer izan nahi dugun aldarrikatzeko" xedez antolatu ekitaldia sokadantza batekin abiatu da. Hor agertu dira, eskuz esku, bertzeak bertze, Eusko Legebiltzarreko presidente Bakartxo Tejeria, Donostiako alkate Eneko Goia, auzapez ohi Juan Karlos Izagirre, EHUko errektore Joxerramon Bengoetxea, Nekane Balluerka errektore ohia, Estitxu Garai EHUko errektoreordea, Miren Azkarate Eusko Jaurlaritzako bozeramaile ohia eta Xabier Euzkitze kazetaria. Honek zabaldu duen mezua argia izan da: "Aberri Egunaren bidez eta batera arituz, munduaren aurrean nazio bat gara, eta erabiltzen dugun hizkuntzak, lekukotzen gaituen lurraldeak eta lotzen gaituen kulturak egiten gaitu,...