Komedia musikala

18 urterekin, Ainhoa Baron kontserbatorioko diplomadun antzezle eta abeslaria, bere lehen ikuskizunaren zuzendaritzan arituko da, “Et Cyrano chantait!” komedia musikalarekin. Ikuskizuna otsailaren 14an ikusgai izanen da (20:00), Tanka gelan. Jokantuz elkartea, arte eszenikoetako talde gaztea da, E.Rostanden jatorrizko lanaren moldaketa aurkezten duena. Ikuskizun modernizatu hunek poesia, umorea eta emozioa uztartzen ditu, jatorrizko obraren esaldi ikonikoak berreskuratuz, baina musika-erreferentzia original eta harrigarriekin, baita slam batekin ere. Modu ez zuzenean lantzen dira hainbat gai, hala nola jazarpena, norberaren autoestimua, identitatearen ordezkapena eta idealizatutako maitasuna. Ikuskizunak azpimarratzen du egiazko edertasuna barnekoa dela, ez kanpoko itxura.

Helloasso webgunearen bidez tokiak erosten ahal dira 15 eurotan.

Maxka’roa

Otsailaren 9an (17:00), “Maxka’roa” dantza ikusgarria iraganen da Tanka gelan.

Dikotomizatürik den mündü batetan dikotomizatürik den erritüal batek iraün dü. Xiberotarrek bizirik baratzeko indarrari esker heltü zaikü Xiberoko Maskarada. Egünko gizartearekin ez dü egite, bena ber mementoan, egünko gizartearen züzenezko miraila izan ditake. Bi mündü, bi ünibertso: xahüa edo zikina, bertakoa edo kanpotiarra, ordena edo desordena, gorriak edo beltzak, hona eta txarra, hegoa eta iparra, herioa eta bizia. Zibilizazionea eta basakeria alkarren kontre jartea ez da gaüza berria. Maskaradak erakusten düan mündü zibilizatüa eta basatia izanen da ikusgarriaren abiapüntüa bena pertsonaje konkretüak zehaztügabetüko dira, bai eta bertako dikotomia eta bi ünibertsoak ere, hona eta txarraren arteko distantziaren lanotzeko.

Deneri zuzendua da, euskarazizanen da eta tokiak 8 eta 18 euroren artean kostako du.