Kontzertuak

Apirilaren 29an (20:00), Lurodei taldeak kontzertua emanen du La Grande Illusion liburu dendan. 6 euro kostako du 12 urtez goitikoentzat. Xehetasunentzat: 09-87-52-63-72.

Musikaren Besta: parte hartzeko deialdia

Musikari, kantari eta talde amatur edo aditu guziak gonbidatuak dira agertokia berotzera, ekainaren 21ean (larunbata) iraganen den Musikaren Bestaren karietara. Bakarka, bikoteka edo taldeka, talentua eszenatokian partekatzeko aukera bikaina da.

Parte hartzeko baldintzak: musika estilo guziei idekia. Parte-hartze boluntarioa. Baliabide teknikoak jarriko dira, eta parte hartzaile bakoitzaren inguruko komunikazioa izanen da euskarri ofizialetan. Izena emateko: musique@hendaye.fr, apirilaren 25a arte.

Haur kantu txapelketa

Martxoaren 30ean igandearekin, Daniel Ugarte-Belzenia pilotalekua euskal kantuaren doinuez bete zen Hendaiako Eskolarteko Kantu Txapelketaren 10. edizioa ospatzeko.

Ekitaldia herriko euskara eta hezkuntza-haurtzaro zerbitzuek antolatu zuten, eta 180 ikasle inguru bildu ziren, Hendaiako lehen mailako ikastetxe guzietatik etorriak. Musikari profesionalek haurrak lagundu zituzten, irakasleen eta animatzaileen laguntzarekin.

Talde bakoitza saritua izan zen, eta haur guziek medaila bat ukan zuten abentura musikal zoragarri honen oroigarri gisa.