Hitzaldia

Otsailaren 8an (10:30), Argitxu Beyrie “Lehen meatze jarduerak mendebaldeko Pirinioetan” gaiaren inguruan solastatuko da Asporotsttipin. Frantsesez izanen da eta urririk.

Bakarka taula festibala

Otsailaren 13tik 16ra, bakarka taula festibala iraganen da Mendi Zolan kulturgunean.

Egitarauan, Pantzo Hirigaraik “Pantzo Man Show” umorezko bakarrizketa zorrotza eta energiaz betea eskainiko du, gure kontraerran ttikiak umorez aztertuz. Euskaraz izanen da.

Les Petits Papiers konpainiak “Cents mots pour la neige” pertsona eta naturaren arteko lotura arakatzen duen ipuin poetiko eta hunkigarria emanen du.

La Maison konpainiak “Sarrazine” Albertine Sarrazineren inguruko ikuskizun liluragarria, poesia, indarra eta matxinada uztartuz, emazte berezi bati ahotsa emanen dio.

Midi à l’Ouest konpainiak, “Martine Tarot” irri eta misterio artean, dibinazioa umore zorrotz eta absurdu pixka batekin birplanteatzen duen ikuskizun berezia eskainiko du.

Xehetasunak eta tokiak atxikitzeko: www.hendaye-culture.fr.

Gatuak

“Les Chamis de Mamie” elkartea gatuen alde engaiatzen da, otsailaren 1etik martxoaren 31ra, herriko bi klinika laguntzaileetan 10€-ko deskontua eskainiz gatuen esterilizazioan eta identifikazioan. Horren egitea garrantzitsua da, gatu gaindia murrizten baitu, animalearen osasuna babesten baitu eta bizikidetza hobetzen laguntzen baitu. Eskaintza klinika bakoitzeko lehen 25 gatuentzat mugatua da.

Igerileku lanen aitzinamendua

Urtarrilaren 27ko obren bisitan, hautetsiek eta kirol zerbitzuko langileek lanen aitzinamendu esanguratsua egiaztatu ahal ukan dute. Igerilekua 2025eko azaroko erdialdean bukatzea aurreikusten da, eta 2026 hasieran idekitzea espero da.