Oroitaraztea lanbideen foroa

Gazteei buruz egina den ekitaldi horrek, xedea luke ofizio desberdinen deskubritzea, norabide profesionala hautatzekoan. Memento berezia dago langile munduarekin trukaketen egiteko. Larreko kulturgunean iraganen da bi egunetan: otsailaren 7an, ostiral arratsaldean (14:00-17:00) kolegioko ikasleen errezebitzea, aldiz otsailaren 8an, larunbat goizean (9:00-12:00) publiko zabalari idekia. Gazte eta hauen familiak ongietorriak dira.

Ate idekiak Zaldubi Ikastolan

Otsailaren 8an, larunbat goizean (9:30-12:00), Senpereko Ikastolak ateak zabalik izanen ditu. Ikastetxearen bisita eta trukaketak egiten ahalko dira erakasle, ikasle eta burasoekin, nabaritua izanen da ere bere murgiltze eredua, geroari buruz euskararen oinarriak haurtzaroan bermatzea beharrezkoa baitago. Harrera ona lortuko da, 11:00etan Ttinka ikuskizuna erakutsia izanen da.

Datozen kultur eskaintzak Larrekon

Otsailaren 11n, astearte arratsean (19:30) "Le chef d’œuvre inconnu", Honoré de Balzac idazle handiaren eleberri laburretiksorturiko antzerkia ikusteko parada izanen da, frantsesez. Parisen, XVII. mendean, hiru margolarien trukaketa beren arteari buruz. Otsailaren 14an, ostiral arratsean (20:30) "Swing Cocottes" hirukoteak eramanen gaitu swing bidetara, arintasunez, musikaz eta barrez betetako bidaia batera. Bi ikusgarriendako, erreserbak Ipar Euskal Herriko turismo bulegoetan, www-en-pays-basque.fr edo lekuan bertan.

Bertso krakada Larraldean

Lapurdi 1609 elkarteak antolaturik eta Bertsularien Lagunak taldearen laguntzarekin, urtero egiten den ekitaldia proposatua da Amotz/Larraldean, otsailaren 15ean (18:00). Aurten bi bertsolari ospetsu etorriko dira, batetik Miren Artetxe bestetik Unai Iturriaga, musika laguntzaile Ainhoa Elizondo eta gai emaile Aimar Karrika. Bertsozale baita ikusminez hurbildu nahi duten guzieri gonbida zabaldua zaie, ongi gozatzeko arratsaldea, ez huts egin.

Publizitate taulak hizpide

Berrikitan, Bizi mugimenduak ekintza bat eraman du Xerrendako zubiko geltokian den iragarki taularen presentzia gaitzesteko. Hunen bitartez salatzen dute Herriko Etxeak izenpetu duen kontratu berria 12 urterendako gehituz taulen kopurua, aldi berean toki hortako taula baita Amotzeko eskolakoa, legez kanpo direlakoz gaurko araudieri begira. Alabainan, D918 errepidearen hegoaldean debekatua baitago eta gainerat monumentu historiko batetik hurbilegi (Xerrendako zubi zaharra). Ekintzak ondorioak eman ditu, hala nola hortarik landa, bi iragarki panel horiek desmuntatuak izan dira. Publizitatearen gai huni buruz preseski,bilkura publikoak antolatuak dira Eukal Elkargoaren ekimenez, partehartzaileek gogoeta dezaten zer araudi eraiki behar litekeen (RLPI). Senpereri dagokionez, bilkurarik hurbilena finkatua da Urruñan Puttilenea karrikan, otsailaren 12an (18:30), interesa duten guziak gomit dira.