Kaskarotak herrian barna

Jadanik euskal ihautea abian da; horren kari, otsailaren 8an larunbatarekin, kaskarotak etxez etxe eta karrikaz karrika ibiliko dira ohiko kantu eta dantzak eskainiz. Kaskarotekin batera hartz adarduna, zirtzilak eta kattalingorriak ere etorriko zaizkigu herriko bazterrak alaitasunez eta kolorez janztera. Herriko plazan 12:00etatik goiti izanen dira, horren ondotik lagunarteko bazkaria eginen dute. Antolatzailea: Hazia euskal kultur elkartea. Egun horretako erritualean, udaberria izanen da galtzaile eta negua irabazle.

Zortziko ikastaroa

Otsailaren 8an, larunbatarekin, 10:00etatik 11:30etara, Lantzeko zortzikoa dantzatzen erakutsiko dute herriko ikastolan. Prezioa, 9 urtetik goiti: 7 euro, eta haur bat eta heldu bat batera 12 euro. (10:00) Kaskarotak izanen dira herriko plazan, eta zortzikoa ikasten dutenek aukera ederra ukanen dute ihautean dantzatzeko eta trebatzeko. Izena emaiteko: 06-46-08-41-05.

Martikorena eta Saiz herrian kantari

Martxoaren 7an ostiralarekin, eta Iparra-Hegoa kultur ekimenaren barruan kokaturik,afari-kontzertua izanen da Pausuko Xaia ostatuan. Erramun Martikorena baigorriarra eta Patxi Saiz zumaiarra arituko dira kantari. Azken honek “Kantatzen duen herria gara” izenekodisko plazaratu berria aurkeztuko du. Disko honetan bada kantu bat, Popo Larreri eskainia, Ttotte Etxebeste olerkari eta ekintzaile-ohiak egina dena. Tenorea: 20:00etatik goiti. Sagarnotegiko menua. Prezioa: 40 euro. Antolatzailea: Bakalau elkartea. Izen-emaitea: 05-47-75-07-02.

Bixikenia zabalik

Bixikenia gaur herri eremua da, hau da, Urruñako herriaren ondasuna. Hori dela eta, Herriko Etxeak aipatu eremuaren kanpoaldea eta kirol zelaia, urruñarrei zabaldu die. Eskolek hitzarmen bat izenpetu dute Herriko Etxearekin, ordutegien arabera, eremua baliatu ahal izateko. Udan, hau da, maiatzaren 1etik irailaren 30era, eremu hau zabalik izanen da urruñar guzientzat. Urriaren 1etik apirilaren 30era, ateak 19:00etan hetsiko dira.

Haurdunaldirako yoga tailerra

Yoga Marynek antolaturik, otsailaren 7tik 9ra, hau da, ostiraletik igandera, ikastaro bat izanen da herrian duten etxalde ederrean, haurdun diren emazteentzat. Programazioa: Yoga haurdun diren emazteen ongizate fisiko eta mentala bultzatzeko. Bisualizazioa eta meditazioa haur-gaiarekin lotura indartzeko. Arnaste tailerrahaurdunaldi goxo eta harmoniatsua izateko.Elkarrizketak haurdunak laguntzeko. Dantza bereziak gorputzarekiko harmonia aberasteko. Sabeleko margotze tailerra esperientzia berezia ukaiteko. Masajeak eta lasaitze tratamenduak lasaitasun sakona atzemaiteko. Bazkari-afari osasuntsu eta orekatuak haurdunen gorputza eta haur-gaia ongi elikatzeko. Gela konpartituaren prezioa: 390 euro, eta gelan bakarrik 450 euro.Informazioa: 06-65-64-09-69.

Erlaitzeko bidea hertsirik

Eguraldi txarra dela eta, arrisku handia da uhainek errepidea urpera dezaten. Horregatik erlaitzeko errepidea hertsita izanen da urtarrilaren 27ik goiti. Horrez gain, itsasbazterreko ibilaldiak ere debekatu dituzte.

Urruñako Mendi taldea

Elkarte berri honek mendi eta natura zaletasuna urruñarren artean zabaltzea du helburu. Proiektu eta asmo politak dituzte abian jartzeko: entrenamenduak, 10 kilometroko lasterketak… eta Iban Hiriart Urruti da elkarteko prestatzailea. Elkartearen baloreak hauek dira: naturaren babesa, euskara eta emazteen kirolaren balorazioa.

Pilotari urruñarren emaitzak

Buruz buruko Elite Pro izeneko lehiaketan, Donibane Garazin jokatu partidetan: P. Larraldek 40 eta Bixente Bideondo urruñarrak 33.