Palantxa

Iparraldeko pilota batzordearen xapelgoan, pilota betean, Elaia Bidart-Lore Acheritogaray gure neskek ttarroen mailan, final-laurdenetan irabazi dute, 40-19, Urruñarrak-en parean. Orain finalerdietan, Elaia eta Lore Goizeko Izarraren kontra ariko dira.

Esku-huska

Buruz-burukako txapelketan, lehen mailan Julien Etchegarayk guziz xapelgo ederra darama. Euskal Herrikoan, final-laurdenetan 37-40 galdu du Nicolas Dufauren parean. Aldiz, Frantziakoan multxoko bi partidak irabazi ondoan, Thicoipe eta Benesseren aurka final-laurdenetan ere nagusitu dira Irisarriko Herria trinketean, 40-15 Andoni Larreren kontra. Orain finalerdietako partidak Angelun edo Hazparnen jokatuko dira apirilaren 18 edo 20an.

Binazkan, Frantziako txapela irabazi ondoan Paolo Bidart-ekin bigarren mailan, Julien beti hor dugu. Suerte on segidarentzat!

Eskubaloia

Gizonetan, nazional 2 mailan Irisartarrek galdu dute Rodez-en, 20-30.

Pre-nazional mailan, bigarren taldeak galdu du Blanquefort-en, 25-31.

Nesketan, nazional 3 mailan, Kanbo/Irisarrik irabazi du Tyrosse-en, 34-26.

Bigarren taldeak galdu du Gan-en, 19-20.

Erregional mailan, hemezortzi urtez petikoek irabazi diote Blanquefort-eri, 32-31.

Heldu den aste hondarreko partidak

Nesketan, gehienetan, bigarren taldea joanen da Ossaura igandean (14:30).

Erregional mailan, hemezortzi urtez petikoek errezebituko dute Floirac Irisarrin larunbatean (16:00).

Gizonetan, erregional mailan, hamazazpi urtez petikoek errezebituko dute Limoges larunbatean (18:00).