Urte hondar guziz egiten duen bezala, INSEEk (Estatistikako Institutu Nazionala) jendetza kondaketaren berri eman du. Hor jakiten dugu, 2016 eta 2023 artean, jendetzagoratu dela Amikuzen. 9.725 biztanle baziren 2016an, 10.372 kondatzen dira 2023an (+ 647 zazpi urtez).

Herrika so eginez, 17 herrik gorakada bat ezagutu dute zazpi urte horietan (+795). Donapaleu herriak berak 362 biztanle irabazi ditu, Arberatze-Zilhekoak 65, Arruetak 55 eta Oragarrek 47. Irabazi duten beste herriak hauek dira: Aiziritze-Gamue-Zohazti, Amendüze-Unaso, Arboti-Zohota, Behaskane-Laphizketa, Behauze, Bithiriña, Etxarri, Gabadi, Garrüze, Martxueta, Mehaine, Ozeraiñe-Erribareita eta Uhartehiri.

Beste 10 herritan aldiz, jendetza apaldu da (-148): Amorotze-Zokotze, Arrüe-Ithorrotze-Olhaibi,Domintxaine-Berroeta, Ilharre, Labetze-Bizkai, Larribarre-Sorhapürü, Lohitzüne-Oihergi, Lüküze-Altzümarta, Ostankoa eta Pagola. Zenbaki horiek erakusten dute Amikuzeko lurraldea erakargarria bilakatzen ari dela.

Orokorki, Ipar Euskal Herrian jendetzaren gorakadak segitzen du. Azken zenbakiek 329.856 biztanle emaiten dituzte.