Herriz Herri - Hendaia (L) | 2026ko Urtarrilaren 08a

Bertso saioa - Zaintzaileen formakuntza

Bertso saioa

Urtarrilaren 11n (17:00), Maialen Lujanbio, Jon Maia, Unai Iturriaga, Amets Arzallus eta Ekhiñe Zapiain bertsolariak Gaztelu Aretoan ariko dira, Aimar Karrika ukanen dutenean gai emaile. Bertso saioa aitzin, bazkaria izanen da (13:30). BaleaketaHarreraelkarteek antolaturiko ekimena da hau. Sartzeak 10 eta 30 euroren artean kostako du. Erreserbatzeko: 06-66-87-44-43/iparharrera@gmail.com. Ongi etorri deneri!

Zaintzaileen formakuntza

Alzheimerra edo antzeko eritasuna duen senide bat laguntzen duzu?

France Alzheimer 64 – Pirinio Atlantikoetako FAPA elkarteak 14 orduko formakuntza eskaintzen du zaintzaileentzat, urririk.

Egitarauan: alzheimer eritasuna hobeki ulertzea, giza, teknika, gizarte, finantza eta lege laguntzak, eguneroko laguntza, komunikazioa eta ulermena, laguntzailearen rola, bere senidearekiko harremana eta atseden konponbideak. Urtarrilaren 10etik goiti iraganen da (9:30), Autoportuko Harrera Zentroan. Harremanentzat: 06-16-61-53-22 edo coordinatricepb@fapa64.com.

Urteberri kari

Jean-Louis Harignordoquy

Urtarrileko hilabete osoan agiantzak trukatzen ditugu batzu eta bertzeen artean. Gehienetan bakoitzaren osagarriari mugatuak eta hitz gutiz erranak. Bekoz beko, telefonoz edo gutunez, bertzearen familia ere aipatzen dugu, bainan komunzki ez gira urrunago joanki. Zutabe huntaz baliatzen gira gure agiantzen zerrenda doi bat luzatzeko. Erran-zahar batek dio “urte zaharra eskertzeko, urte berria eskatzeko”. Lehenik, nahi ginuke mundu mailako bake iraunkorra eta zuzentasuna. Menturaz xorakeria da hori amestea, ikusiz diktadoreen meneko diren estatu askotan azken urte hauetan zer krimak eta sarraskiak egiten dituzten. Burua galdua dutenak ez dira bat-batean zentzatzen, ez eta ohoinak lurretaz gabetu dituztenez urrikaltzen. Halere atxik dezagun esperantza beren egitate tzarren gelditzera laster behartuak izanen direla.

Bigarrenik, igurika dezakegu Euskal Herria beren peko daukaten bi estatuetan muturreko alderdiak ez heltzea...

Irakurri segida

Gurekin harremanetan sar