Herriz Herri - Lasa (NB) | 2026ko Urtarrilaren 08a
Heriotze
Adin ederra bildurik utzi du mundu hau Maddi Pierresteguyk, Mokosailean sortua duela 90 urte. 11 haurride ziren, bigarrena zen, orain bi gelditzen dira. 12 urtetan ukan zuen eritasun bat ibiltzeko zalutasunak kendu ziozkana, eta neke horiek juanago eta pizuagorekin bizi izan da. Jakin izan du biziari lotzen bertute eta kuraiarekin. Esposatu zen Beñuet Pierresteguyrekin, 4 haur ukan eta familia hazi. Senarra frango gazterik barkatzen ez duen eritasunak ereman zion eta urte multxo bat barne hoiekin bizi zen semea istripuz galdu zuen. Jakin izan du pazientzia handi batekin denen jasaiten haurren laguntzarekin eta berezikiago alabarenganik. Plazer ukan du ikustea haur ttipiak handitzen eta etxean familian bizitzen behar zituen arta guziekin. Abenduaren 20an anitz jendek ehorzketako meza ederrean parte harturik ezarria izan da senar eta semearen ondoan. Gure doluminak seme-alabari, haurrideeri eta familia guziari.
