Urte berria

Bukatu dira urte hondarrak ekartzen dituen furfuriak. Jendea nasaiki ibili da antolatuak ziren merkatu berezi, ikusgarri eta gertakarietan. 2026. urtea hasia dugu beraz eta ez da edozoin urte izanen: herriko hauteskundeen urtea! Gauza asko entzuten da horri buruz bainan dena xuxen jakin arte ez ditugu aipatuko. Anartean urte berri on deneri, ahal bezain goxoki pasa dezagun elgarrekin.

Xuriatea

Aspaldiko Hazparneko ostatu hunek (denboran Gaskoina edo Nixon deitu dena) aldaketa seriosak bizi izan ditu duela urte andana bat: elkarte bat sortu zen ostatu hunen eta hiri erdi-erdian den eraikuntza horren erosteko. Bere denbora egin du eta orain proiektua arraberritu behar zen. Egin da eta xehetasun hauek ere berantago aipatuko ditugu. Dena den proiektu ausarta abiatua da. Ostatua bera zonbait egunez hetsia egon eta arra ideki da kolorez berriz jantzia. Jende parrasta arizan da lanean musutruk tokia erakargarriagoa bilakatzeko. Andonik eramanen du afera ekipa bixi batez inguratua.

Bide on proiektu berriari.