Afixa bat, lau besta, hiru herri, ez, hobeki erran herri bakotxa, gurea, koloretsüa.

Lehena Larzabalen, “Züek Heben Erakusketa” Ezpeletenian. Urte berri hontan lüzatzen dügü amiñi batez, eta ikasgei da urtarrilaren 5etik, 12ala! Gero Ttipi ttapa kurritüko da Xiberotik Bilbora, Korrika kulturalaren baitan, Barkoxen eta … Bilbon!

Bigerrena Mauleko zinegelan, Oskar Alegriaren presentzia goxoa, bere “Zinzindurrunkarratz” film berriaren aurkezteko. Poesia zinemalat aplikatürik, Nafarron ebilaldi ederra, asto baten ürratsean, bide galdüetan eta euskara zahar berriaren bila.

Hirugerrena Larrainen: Negübürüko süa, eki berriaren, egü(n)berrien esperantxetan dantza, kanta, arrabit eta ttunttuna!

Laugerrena Mauleko gure alkartearen habia goxoan, Hebentikenean: Sacha eta Claudineren kantaldi fin fina, Xiberoko kantore ederrenak xaramelatürik eta haien istorio gazi gozoak kontatürik. Soken goxotarzün eta indar soila: arrabita, ttunttuna eta botza!

Eta ustegabean, agitü beharra, urte berria heltü zen eta dena arrahasi!

Egün, aste, hilabete, urte/argizagia keinü gordeka/Urte zaharra doa ixila/Eki begia jeiki bedi berria…

Eta orain, nahi düzüena bena hon, eta Hebentik, bizi giren lekütik!