Sasoineko lanak

Herriko Etxeko igerileku, aisialdi zentro, leze eta herriko atelierretan lan egiteko, behar da izan estudianta eta 17 urte eginak 2026ko maiatzaren 1eko, Herriko Etxean dokumentua hartu eta bete urtarrilaren 31 aitzin.

Tripotx bazkaria

Sarako erretretatu guziak gomitatzen ditu kontseiluak, urtarrilaren 24an larunbatarekin (12:30), Lur Berri gelan. Izenak eman urtarrilaren 17a aitzin, norbaitek bila etorri behar badu, abisa izena ematean.

“Miñan”

Antzerkia iragan da abenduaren 28an arratsaldearekin kiroldegian. 300 bat jende bazen etorria ikusterat. Horra erran bezala, azken erakusketa Saran izan da. Izigarri ederra zen eta hunkigarria, aktoreek ongi moldatu dute istorio hori. Eskerrak elkarte guzieri, Herriko Etxeari, partikulazki Amets Arzallusi.

Pilota

Esku-huska trinketean. Gazteak: Semerena Eneko-Berasategui Unai galtzaile 29-40 Senpereren kontra. Gaztetxoak: Goyeneche Mikel-Sanjurjo Behoteguy Jon galtzaile 19-40 Airetik-en kontra. Kimuak: Babace Lezagoien Oihan-Zabaleta Orhi irabazle 40-33 Noizbait-en kontra. Lafitte Julen-Berazategi Andde galtzaile 17-40 Noizbait-en kontra. Frantziako txapelgoan: finalerdia Arrangoitzen. Larrechea Peio-Etcheverry Unai irabazle 40-28 Jaureguiberry Iban-Iribarren Bastien Airetik-en kontra.

Errugbia

Heldu den igandean erreserba (13:45) eta lehena (15:00) Miramontoisen kontra Saran.