Heriotze

Familiaz Baigorrikoa zen Jean Schwendt pausatu da 79 urtetan. Bazen urte andana Donaixtin bizi zela. Egun berean jakiten ginuen Suzanne bere arreba ere zendu zela Zuraiden. Doluminak Michel anaiari eta familia guziari.

Xilaba

Bertsu txapelketako lehen final aitzinekoa Plaza Xokon jokatu da, joan den ibiakoitzean. Miren Artetxe zuzenki sailkatu da finalean parte hartzeko. Besteek bigarren final-aitzineko emaitzen beha egon beharko dute jakiteko segituko dutenez.

Mendiari su emaitea

Ortzegun huntako den hitzordua oroitaraziko dugu (20:30), Biletxea gelan. “Comprendre l'ecobuage dans les Pyrénées-Atlantiques”: hau da Baigorriko ibarreko sindikatuak proposatzen duen filmaren izenburua. Ondotik, solasaldia izanen da eta praktika hori erabiltzen dutenekin,auzapez, sindikatuko hautetsi, laborantxa ganbara eta suhiltzaileen Sdis egiturako ordezkariekin.

Lekuko hazle guziak ere heien lekukotasun eta ikus moldeen emaitera gomit dira.

Ofiziale eta komertsantak

Ofiziale eta komertsantak bilkura batera gomitatuak dira eskuratzen ahal dituzten laguntzez. Urtarrilaren 21ean (19:00), herriko kontseiluaren gela zaharrean.

Marikitaren obrak

Berriki utzi gaituen Marikita Curutcharry Gaillard-en akuarela margo lanen erakusketa proposatu dauku "Ortzadarra" elkarteak. Hau huts egin balin bada, ez da berantegi!

Ikusteko edo berdin obra horietarik batzuen eskuratzeko, jakin margolarien elkartea "Elissonde" etxean biltzen dela asteazken arratsalde guziz. Bainan fite egin beharko da, Marikita zenaren lan horietarik anitz joanak omen baitira jadanik.