Greenpeace, Gobernuz Kanpoko Erakundeak Bizkaian eukaliptoaren debekua 2030. urtera luzatzea galdegiten du. Euskal Autonomia Erkidegoko oihan maparen datuen arabera, eukaliptoaren eremua %101ez emendatu da (2005-2024 artean), gaur egun 26.153 hektareako eremuan pusatzen da, 1.319 gune zainduen barnean. Greenpeacek gogorarazi du konpondu gabe jarraitzen dutela Bizkaian eukalipto sail berriak aldi baterako debekatzea eragin zuten arazoek. Debeku hori abenduaren 31n gelditzen zen, EAJ, PSE eta EH Bildu alderdi politikoek oihanei buruzko Foru Araua hurrengo urtera luzatzea proposatu dute. Gobernuz Kanpoko Erakundeak egiaztatu ahal ukan duenez, “eukaliptoa landaketetatik kanpo naturalizatzen da, beraz azalera handiagoa hartzen du, babestutako natur guneak barne. Espainiar estatuko iparraldean eta ipar-mendebaldean eukalipto landaketaren hedapenak jarraitzen du. Ezin da onartu penintsularen iparraldeko oihangintza sektorea zelulosaren ekoizpenaren monolaborantza ekonomikorantz...

Euskal administrazioek dermatosis nodular kutsakorraren kontrako txertaketa Euskadi osoan egitea eskatu diote Espainiako Gobernuari, ez eta soilik Gipuzkoan. Euskal administrazioek modu koordinatuan lan egiten dute, sektorearen babes sanitarioa eta jasangarritasuna bermatuko dituen txertaketa espazio berria definitzeko, kabala hazleen egoera kontutan hartuz. Eusko Jaurlaritzak ohar baten bidez jakinarazi du Dermatosis nodular kutsakorra, behiei eta aziendei larri eragiten dien eritasunak, osasunarentzat eta ekonomiarentzat arrisku handia duela.

2026an Hego Euskal Herrian erretretarako adina aldatuko da. 2027an erretiro adina 67 urtetan izan dadin, legeak eskatzen duen gutieneko 38 urte kotizatzera heltzen ez diren langileentzat.

2026ko urtarrilaren 1etik aitzina, erretreta sariaren %100arekin erretiroa hartu ahal izateko, 38 urte eta hiru hilabete baino gutiago kotizatu dutenek 66 urte eta 10 hilabeteko adinean hartzen ahalko dute. Hau da 2025ean baino bi hilabete geroago, orain arte erretretara joateko adina 66 urte eta 8 hilabete baitzen. 38 urte eta hiru hilabete edo gehiago kotizatu duten langileek, 65 urterekin hartzen ahalko dute. Beraz, erretreta 65 urterekin hartzeko kotizazio denbora ere aldatu da, 38 urte eta 3 hilabetekoa izanen da, eskatzen zena baino 3 hilabete gehiago.

2025ean Guggenheim Bilboko museoak 1.305.003 bisitari ukan ditu, 2024an baino 3.660 gehiago. Bisitarien %90a Euskal Herritik kanpokoa da: estatu espainiarrekoak (%21), frantziarrak (%15), alemaniarrak (%9), britainiarrak (%9), estatubatuarrak (%6) eta italiarrak (%5).

Guggenheim Bilboren eragin ekonomikoak ere jarraitzen du adierazgarria izaten, museoak %78ko autofinantzaketa maila lortu baitu, 676,7 milioi euroko ekarpena egin zion BPGari eta antolatu ekitaldiei esker 782,3 milioi.

Urdaibain egin beharra zen Guggenheimen bigarren museoa, ez da eginen. Lau urtez aktualitate gorrian egon den dosierra auzitegiak behin betiko hestea erabaki du.

Euskadiko guraso bakarreko 225 familiek eskatu dute guraso izateko akreditazioa, Eusko Jaurlaritzak sortu erregistroan. Erregistroaren helburua da, onura eta laguntza publikoak eskuratzen erraztea. Eusko Jaurlaritzak zenbaki horiek baieztatu ditu. Gogorarazi du Euskadin mota horretako 21.000 familia inguru bizi direla, horietatik %80 inguru emazteak dira. Familia horien aitorpenak segurtagiri digital baten bidez egiaztatzeko aukera ematen du. Behin hori lortu eta, sail edo erakunde bakoitzak dagozkion laguntzak ordainduko ditu. Hilabetean familia bakoitzak, haurrak 7 urte ukan arte, 300 euro eskuratuko ditu. Segurtagiria eskuratzeko, beharrezkoa da legezko bizilekua eta Euskadin gutienez urtebetez bizitzea eta mendekotasun ekonomikoan izatea. Seme-alabek 21 urtez petik ukan behar dituzte, ikasketak egiten badituzte 26 urte arte luza daiteke eta ezintasun kasuetan adin-mugarik ez da.

Euskal Autonomia Erkidegoan 2025ean 30.011 ibilgailu saldu dira, aitzineko urtearekin konparatuz autoen matrikulazioak %16,4ez emendatu dira. Dieselarekin funtzionatzen duten autoen salmentak %45ez murriztu dira. Auto sektoreko enpresaburuek zabaldu datuen arabera, matrikulazio gehienak (23.573) ibilgailu elektrikoei, hibridoei edo hidrogenozkoei dagozkie. Erkidegoan 5.559 gasolina ibilgailu matrikulatu dira, aitzineko urtean baino %31,3 gutiago, eta diesel autoak 877 dira salduak izan (%45 gutiago). Gauzak horrela, pandemiaz geroztik, bigarren urtez segidan auto berrien salmenta milioi bat unitatetik gorakoa da, baina salmenta kopurua oraindik, 2019ko saldutakoari konparatuz urrun da.

Imanol Pradales lehendakariak, urte bukaerako mezu instituzionalean, Euskadiren etorkizun hurbilerako hiru ardatz nagusi mahaigaineratu ditu: migrazioa, euskara eta autogobernua. 2025eko errepasoa egin du, munduko ezegonkortasunak aipatzen zituela. Ukrainako gerlak eta Gazako genozidioak, bere ustez, polarizazio politikoaren gorakadak baldintzatu dituzte. Pradalesek Euskadirentzat izan diren mugarri positiboak azpimarratu ditu, hala nola: Osasun Ituna, etxebizitzarako premiazko neurriak, ordenagailu kuantikoa martxan jartzea, Talgoren itzulera, euskal pilota selekzioaren ofizialtasuna edota Pasaiako San Juan ontziaren uretaratzea.

Aurtengo gai nagusietako bat migratzaileei eskaini die. Gogorarazi du bi hamarkadatan 30.000 pertsona emigrantetik 300.000ra pasa dela, sozial duintasunean oinarritu ikuspegia defendatu du. Pradalesek zioen konplexua dela, engaiamendu partekatuan oinarritua, eskubideekin eta betebeharrekin.

Lehendakariak atal berezia eskaini dio euskarari,...