Heriotze

Pierre-Léon Amestoy, Etxerrikoa, zendu da joan den astean. Ehorzketak iragan dira ortziralean, jendalde gaitzak parte hartu du zeremonia kartsu batean. Pierre-Léon, lau haurren aita zen, zorigaitzez alaba gazteena galdua zuten 12 urtetan, 1979an. Laborantxan aritua zen, bainan ere kamionetako eta autobusetako gidari urte askoz. Gizon goxoa zen, beti prest zerbitzu baten egiteko. Familiari biziki atxikia eta xahartze urosa ereman du Marie-Jeanne bere emaztearekin, ongi inguraturik. Dolumin sentikorrenak familia guziari.

3817. zbk

Gure Hitza | 2026/01/15

Zapalkuntzaren kontra, herrien ahotsa

Ainhoa Etxenike

2026rako saltoa jadaneko egina dugu, eta hara lehen hamabostaldia ere iragana zaigula. Urteko lehen bi aste horiek motz ala luzeak izan badira ere, urte berriko lehen egunetan hainbat gertakariren berri ukan dugu, baina ez urte hastapenean usaian opa direnak. Izan ere, 2026ko lehen egunak azkarki markatuak izan dira, Donald Trump Estatu Batuetako presidenteak Nicolas Maduro Venezuelako presidentea etaCilia Flores haren emaztea harrapatu baititu. Lehen aldiz, Estatu Batuetako presidente batek publikoki onartu du Parlamentua bere erabakitik kanpo utzi duela nahitara, botere legegilearekiko mespretxua agerian utziz.

Estatu Batuetako armadak atxilotu ondoren, Nicolas Maduro urtarrilaren 5ean New Yorkera arribatu da, bertako auzitegi baten aitzinean agertzeko. Droga trafikoa eta armak edukitzea leporatuak zaizkio. Azpimarratzekoa da haatik Estatu Batuek Caracasen Venezuelako lehendakaria atxilotzeko egin zuten operazio militarrak...

Irakurri segida

Gurekin harremanetan sar