Kontzertua

Urtarrilaren 15ean (21:00), Meliora eta Burutik taldeak Zizpa gaztetxean ariko dira.

Gitarra kontzertu

Amarres elkarteak gitarra kontzertua antolatzen du urtarrilaren 17an, larunbatarekin (20:00), Baionako tenplu protestantean. Parte hartze librea izanen da.

Kontzertu horretan, Jean-Bernard Poublan gitarrajolea eta Tarbeseko gitarra irakasleak publikoari gitarra handien inguruko ibilaldi musikala eskainiko dio, bereziki Hego Amerikako konpositoreak ardatz harturik. Programa honek musika narratibo eta deskribatzailea partekatzeko xedea du.

Pieza bakoitza aurkeztua izanen da, bere testuinguruan, izaera poetikoan eta jatorrizko herrialde eta kulturarekin duen loturan azpimarra eginez, baita bere estiloan ere: jazza, bossa nova eta musika klasikoa tartekatuko dira.

Kontzertuaren ondotik, adiskidetasuneko edalontzi baten inguruan elkartzeko parada izanen da.

Euskal mitologia

Urtarrilaren 21ean (14:00), euskal mitologiari buruzko bisita kondatua iraganen da Euskal Museoan, baita sorkuntza tailerra ere. 5 urtetik goitiko haurrei zuzendua zaie, 2 orenez. Izena eman berantenik bezperan eguerdi arte: 05-59-59-08-98.

Lanbide foroa

Urtarrilaren 17an (9:00-13:00) iraganen da Etxepare lizeoan. Ekitaldi hau Etxepare lizeoa, Piarres Larzabal kolegioa, Manex Erdozaintzi Etxart kolegioa, Estitxu Robles kolegioa eta Xalbador kolegioaren artean antolatua da. Helburua ikasle eta familiei ofizioen ezagutza egiteko parada ematea da, arlo profesional desberdinetako pertsona euskaldunak gomitatuz. 10 bat arlotako 100 bat profesional present izanen dira, beren esperientzia gazteekin (eta beren burasoekin) partekatzeko. Profesional horiek euskara erabiltzeko aukera badute beren lanean. Euskarari esker, hemengo lan munduan enplegu baten aurkitzeko errexago izan daitekeela frogatuko zaie ikasleei.