Herriz Herri - Izura-Azme (NB) | 2026ko Urtarrilaren 15a
Urtarrilaren 3an, Olitxeko Jacqueline Mercapide bere azken egoitzarat lagundu dugu, 59 urte zituelarik bakarrik.
Gaitz lazgarri horrek ereman dauku anitz jasan ondoan.
Kuraia handiarekin borrokatu da, familiak eta adixkideek sustengu baliosarekin inguratzen zutelarik.
Azpimarratzeko da anitz lagun etorri direla familiaren sustengatzerat, eliza zanpez betea zelarik.
Gure dolumin bizienak eskaintzen dizkiogu familiari.
3817. zbk
Gure Hitza | 2026/01/15
Ainhoa Etxenike
2026rako saltoa jadaneko egina dugu, eta hara lehen hamabostaldia ere iragana zaigula. Urteko lehen bi aste horiek motz ala luzeak izan badira ere, urte berriko lehen egunetan hainbat gertakariren berri ukan dugu, baina ez urte hastapenean usaian opa direnak. Izan ere, 2026ko lehen egunak azkarki markatuak izan dira, Donald Trump Estatu Batuetako presidenteak Nicolas Maduro Venezuelako presidentea etaCilia Flores haren emaztea harrapatu baititu. Lehen aldiz, Estatu Batuetako presidente batek publikoki onartu du Parlamentua bere erabakitik kanpo utzi duela nahitara, botere legegilearekiko mespretxua agerian utziz.
Estatu Batuetako armadak atxilotu ondoren, Nicolas Maduro urtarrilaren 5ean New Yorkera arribatu da, bertako auzitegi baten aitzinean agertzeko. Droga trafikoa eta armak edukitzea leporatuak zaizkio. Azpimarratzekoa da haatik Estatu Batuek Caracasen Venezuelako lehendakaria atxilotzeko egin zuten operazio militarrak...
Herria Euskal Astekaria - Landagoien - 875, Landagoieneko errepidea - 64480 UZTARITZE [Lapurdi] | tel: 05 59 25 62 85 | herria.astekaria@gmail.com
Legezko oharrak | Diseinua eta programazioa: iF Diseinuak - 2016