Itsasuren, Uztaritzeren eta Donibane Garaziren ondotik, Ipar Euskal Herriko mugimendu abertzaleak Baionan antolatuko du aurtengo Aberri Eguna, apirilaren 5ean. “Bagira” prozesutik abiaturik, eta laugarren urtez segidan, Ipar Euskal Herriko mugimendu abertzaleak Euskal Herriaren aldeko eguna molde bateratuan eta elkartuan ospatuko du. “Euskal Herria, etorkizuna, itxaropena” izanen da aurtengo leloa. Hitzordua Roland Barthes zelaigunean emana da, Xaho kaian. Bertan jarriko den karparen azpian, b

Itsasuren, Uztaritzeren eta Donibane Garaziren ondotik, Ipar Euskal Herriko mugimendu abertzaleak Baionan antolatuko du aurtengo Aberri Eguna, apirilaren 5ean. “Bagira” prozesutik abiaturik, eta laugarren urtez segidan, Ipar Euskal Herriko mugimendu abertzaleak Euskal Herriaren aldeko eguna molde bateratuan eta elkartuan ospatuko du. “Euskal Herria, etorkizuna, itxaropena” izanen da aurtengo leloa.

Hitzordua Roland Barthes zelaigunean emana da, Xaho kaian. Bertan jarriko den karparen azpian, borroka eta besta uztartuko dira. Egitarauan manifestazioa, herri bazkaria eta kontzertuak izanen dira.

Kontestu berezi batean kokatua

Aurtengo edizioa mundu mailako testuinguru konplexu batean heldu dela azaltzen zuten antolatzaileek. Eskuin muturraren gorakadarekin batera, inperialismoaren garai ilunek herrien burujabetza eta etorkizuna arriskuan jartzen dituzte. Horren ondorioz, euskara, ekologia edota laborantza bezalako arloak lanjerean izan daitezke. Horregatik, “inoiz baino gehiago, demokraziaren aldeko pario argia” egin behar dela dio Ipar Euskal Herriko mugimendu abertzaleak. Euskal Herrian elkarbizitza sendotzeko, burujabetza politikoa eta burujabetza materiala baitezpadakoak dira. Horretarako, fronte zabala sortu eta herri gisa jarduteko deia luzatzen da, “oraindanik eraiki dezagun biharko Euskal Herriarentzat behar dugun lurralde proiektu erakargarri, demokratiko, euskaldun eta jasangarria”.

Egitaraua

Goizean (9:30), Ipar Euskal Herriko herri mugimendu ugariren bizitasuna agerian geldituko

da elkarteen herrixkan, ondotik (11:00) burujabetzaren aldeko manifestazioa izanen da, tokiko laborariek prestatu bazkaria (14:00) eta ber tenorean haurren xokoa DJ Kaktusekin. Arratsaldean (17:00), kontzertuak iraganen dira Pantxoa eta Peio, Orkestra elektrotxaranga, Indigo, Niña Coyote eta Chico Tornado baita Izan taldeekin. After-a Zizpa Gaztetxean segurtatua izanen da.

Baionan antolatua bada ere, Ipar Euskal Herriko lurralde, eskualde, sektore eta adin guzietako herritarrei bertan parte hartzeko deia luzatua zaie.

Bazkari herrikoiarentzat, lekuak atxik daitezke HelloAsso plataformaren bidez.

Laguntzaile gisa parte hartu nahi bada, izena iehkomugimenduabertzalea@gmail.com helbidera idatziz eman behar da.