Azken hauteskundeen ondotik, herriko karguen banaketa egina izan da eta gure herria antolaketa berritu batekin abiatzen da. Auzapez karguan, Xole Airek segituko du, eta harekin batean Euskal Elkargoko ordezkaritzan Claude Martinez ariko da. Gainera, lehen axuant kargua ere Claude Martinezi emana izan zaio. Aldi huntan, berrikuntza garrantzitsua plantan ezarria izanen da: komisio desberdinak sortuko dira herriko gaiak hobeki lantzeko. Komisio bakotxak bere hautetsi ordezkari berezia ukanen du, eta horrek ahalbidetuko du lanen banaketa argiago eta eraginkorragoa. Komisio horien xehetasunak laster emanen dituzte. Bestalde, beste ordezkaritza batzuek ere beren arduradunak badituzte jadanik. Baleako sindikatuen hautetsiak izanen dira Mixel Bidart eta haren ordezkari Elixabet Monaco. Garaziko hiltegiari dagokionez, hunen ordezkaria Céline Monaco izanen da. Holaxet antolaturik, herriak bere bidea segituko du, talde lanari eta arduren partekatzeari garrantzi berezia emanez. Heldu den asteetan ikusiko da nola gauzatzen diren berrikuntza horiek eta zer ekarpen egiten duten herriaren bizian.