Bi urtetarik antolatzen den Korrika ekitaldiak marra berritu du sekulan ez bezala Zuraiden.

Nahiz eta arratsalde betean zeharkatu duen herria, hor ziren zuraidarrak, lana utzirik. Pesta komiteko gazteek lekukoa hartu dute lehenik, baita ere Alaiki dantza taldekoak eta Kosta Garaikoak. Bi eskoletako haurrak elkartu ziren erakasleeri esker, buraso andana bat mobilizatuz euskararen inguruan. Denbora bitarte guziz laburra bainan zein hunkigarriaizan den!

Hunkigarria izan da ikustea nolako interesa erakusten duten kanpotik etorritako gazte batzuek, hala nola Herriko Etxearen izenean lekukoa hartu duen okin bikoteak, Euskal Herrian bizi izanez, gure hizkuntza ikasteko nahikari handia adieraziz.

Eta nola ez goraipa Jamatit Dirassar jaunaren parte hartzea, Etxetoako bortaitzinetik hurbil pasatuz, alabakzioen absolutuki ikusi nahi zuela. Lekukoa eskaini dakote eta semeak lagundurik zenbat metro egin dituzte elgarrekin korrikan, malkoak begietan eta lasterkarieri emozio handia sendiaraziz.

Gisa hortako gertakariek esperantza biziarazten dute gure baitan. Bai, gure ama hizkuntza gehiago erabili behar dugula!