Bazkaria helduentzat

Baigorriko herriak 64 urte eta gehiago dituzten herritarrak bazkarira gomitatzen ditu maiatzaren 31n (igandea) Plaza Xoko gelara (12:30). Parte hartu nahi bada, ez duda, izena eman maiatzaren 20ko berantenaz, Herriko Etxera joanez edo telefonatuz 05-59-37-40-80 zenbakira. Emailez ere egin daiteke contact@baigorry.fr.

Euskal Trail

Salbatoreko aste hondar luzea mugimendutsua izanen da gure plazan, karrikan eta inguruko mendietan, ortzirale eta ibiakoitzez bereziki (maiatzaren 15 eta 16an). 3.800 lasterkari hurbiltzekoak dira Euskal Trailek antolatzen dituen 6 proba desberdinetan parte hartzeko:Neska Trail: 8km, abiatzea Baigorriko plazatik (17:30).

Iluna Trail: 27km, abiatzea Baigorriko plazatik (23:00).

Trail gormanta: 2x25km binaka, abiatzea Urepeletik.

Euskal Trail: 2x40km binaka, abiatzea Urepeletik (6:30).Euskal Endurance: 65km binaka, abiatzea Baigorritik (17:30).

Ultra Trail: 133km bakarka edo binaka, abiatzea Baigorritik (5:00).Milaka jende bilduko baita bizpahiru egunez, antolatzaileek galdatzen dute seinale eta bide hesteak errespetatzea, autoentzat idekiko diren aparkalekuak erabiliz bakarrik. Aroaren aldetik zoritxarrez, ez da mentura onik. Euria eta tenperatura apalak aipatuak dira.