Herriz Herri - Donamartiri (NB) | 2026ko Maiatzaren 14a

Donamartiriko Euskal kirolak taldearen berri

50%20urte%20Donamartiriko%20plazan — 50 urte Donamartiriko plazan

Maiatzaren 2an, eguerdi irian, Donamartiriko Euskal kirolak taldeko parte hartzaile anitz bilduak ziren Donamartiriko Bil Etxea gelan biltzar nagusiaren karietarat.

Alain Apheceche zuzendariak azpimarratu du bazuela orain 50 urte taldeak parte hartzen zuela Donapaleuko indar jokoetan.

Soka tira, joko guzien artean gustagarriena, 1981. urteaz geroztik, duela 44 urte beraz, badute balentria ederrik eginik Donamartiriko sokatiralariek, alabainan 24 urtez kausitu dute korda berenganatzea (17 urtez segidan 1981. urtetik 1997ra) gero 1999, 2000, 2016, 2021, 2022 2023, eta 2025ean.

Sailkapen orokorraren kondu 1993. urteaz geroztik, Donamartiriko taldeak ereman du 17 urtez.

1990. urtean emana izan da lekuan “Trophée du Sud Ouest”. Sailkapen hortan (1990etik 2025erat) 13 urtez eskuratu dute txapela.

Oroitzapen ona atxikitzeko argazki bat hartu dute.

Jokolari zaharrenetarik zonbait baziren etorriak, J-Paul Pagadoy, J-Bernard Minondo, Martin Martinon, Gerard Iribarne, Jean Ospital eta Jean Marc Mendiburu.

Pobrezia gainditu

Menane Oxandabaratz

Hazkurri Bankuak primaderan eskoletan janari bilketa antolatzen du. Karia horretara Senpereko Zaldubi ikastolara joan naiz esplikatzera zergatik janari bilketa egiten zen eta zein pertsonek eskuratzen zuten. Haur horiek entzuten dutenean familia batzuk pobrezian direla, beste batzuk karrikan… hots zailtasunean diren pertsonak lagundu behar direla, zer ulertzen dute?

RSArekin bizi den pertsonatik hasiz… langile klase ertaineraino, anitz zailtasun ekonomikoan dira. Pobreziak edonor hunkitzen du: langabetuak, buraso bakarreko familiak, langileak, urritasunean direnak, etxerik gabekoak edota adinekoak. Pobrezia murrizteko, ordainsari apalak emendatu behar dira, gutieneko sozial minimoak goratu behar dira, kalitatezko enplegua garatzea ezinbestekoa da, zerbitzu publikoen laguntzea begi-bistakoa da.

Badu urteak jendeen artean desberdintasunak handitzen ari direla, aberatsen eta...

Irakurri segida

Gurekin harremanetan sar