Herriz Herri - Bardoze (L) | 2026ko Maiatzaren 14a
Lagunekin dantza taldea Dantzari Ttikin - La Passem herrian
Lagunekin dantza taldea Dantzari Ttikin
Lagunekin taldearen dantzari ttipiak Donibane Garazira joan ziren maiatzaren 8an, beste 1.600 haurrekin biltzeko IDBk antolatutako Dantzari Ttiki eguna kari. Goizeko desfile handia herrian egin ondoren, denak frontoira joan ziren urtean zehar lantzen zituzten dantzak harroki erakusteko. Dantza batzuk partekatu zituzten ondoan ziren Ortzaizeko taldeko lagunekin. Arratsaldean, beste hiru dantza ikusgarri ikusi zituzten Bardozera itzuli aitzin giro goxoan.
La Passem herrian
La Passem, gaskoinaren aldeko Korrikaren lasterka ahizpak, larunbat goiz-goizean zeharkatu du gure herria. Herriko Etxeak, Foyer de Bardos elkarteak eta enpresa batzuk hartu zituzten kilometroak eta lekukoa altxatu zuten gure lurraldeko hizkuntza guttitu horri haien sustengua adierazteko.
