“Hemen telefona dezaket”

Joan den astean aipatu “10 egun pantailarik gabe” ekintzaren osatzeko, huna zer eskaintzen den Hazparnen. Beranta, autobus huts egite, telefonoaren ahanzte, ustekabe... batzuetan telefono dei batek familia lasai dezake. Holakorik gertatzen bazaie gazteei, dispositibo berria sortu dute komertsant batzuek. Gazteak joan daitezke kitorik haiengana telefonatzera hurbileko norbaiten abisatzeko. Komertsantek dei hori onartzen dute behin behineko, gaztea atxiki gabe eta beste erantzukizunik gabe. Elkartasuna, hurbiltasuna eta konfiantxa dira egitate horren helburuak. Berri hori eskoletan hedatua izanen da. Bakotxari da orain bere haurrarekin hortaz mintzatzea.

Komertsant parte hartzaileek irudi hau emanen dute agerian.

Mus txapelketa

Human’Isa elkarteak munduan gaindi gosea jasaiten dutenak laguntzen ditu. Egitate hortan segitzeko dirua behar duelako gertakari desberdinak antolatzen ditu. Horietarik bat iraganen da Hazparnen maiatzaren 23an Mendeala gelan: mus txapelketa. Izen emaiteak (25€ bikoteka) arratsaldean hasiko dira (14:00) eta zoingehiagoka bera ondotik (15:00). Irabazleek 400€ ukanen dituzte eta finalistek 200€. Jateko eta edateko izanen da han berean.

Amen pesta

Maiatzaren 31n ospatuko da amen pesta eta karia hortara opariak egiteko, hiru artisauk sortu obrak erakutsiko dituzte Choribit gelan. Huna zer izanen den: “Viens on sème” hazi eta loreak, “Kreagoxo” eskuz egin harribitxiak, “Candelstoriesbychloe” eztia eta kandelak.

Maiatzaren 26tik 30era idekia izanen da (9:30-12:00 eta 14:30-18:00) eta larunbat goizean.