Su Talka

Maiatzaren 23an (23:15), Deabru Beltzak konpainiak Su Talka aurkeztuko du herrian zehar, Euskal Herriko inauteri zaharrenetako eta enigmatikoenetako batean oinarrituriko sorkuntza: Altsasuko Inauteriak. Indarrez eta misterioz beteriko ospakizun zahar honek Momotxorroen irudi harrigarriarekin konektatzen gaitu, irudimen kolektibotik sortzen diren pertsonaiak, transgresioaren, identitatearen eta errituaren ikur bihurturik. Erritmoa eta sua, konpainia horren ikur ezaguterrazenak, milaka urteko inauteri honen esentziarekin bat egiten dute, garai, hizkuntza eta kultura ezberdinen arteko talkaren bidezko ikuskizuna sortuz.

Antzerkiaren Maiatza

Antzerkiaren Maiatzaren 41. edizioa maiatzaren 21etik 24ra iraganen da, egitarau aberatsarekin. Chimères antzerki taldeak sortua eta Herriko Etxeak lagundua, festibala emeki-emeki garatuz joan da, 2000.eko hamarkadatik goiti, eremu publikoan beste molde artistiko batzuk hartzeko: antzerkia, zirkoa, dantza, musika, bai eta lagunarteko topaketa anitz, Gaztelu Zahar frontoiaren inguruan nagusiki, baina baita herriko auzo eta kultur gune ezberdinetan ere.

Emanak izanen diren ikusgarrien artean, guziak urririk izanen dira baina horietako batzuek leku mugatuak dituztenez, beharrezkoa da erreserbatzea bai linean, bai Mendi Zolan kulturgunean (maiatzaren 22ko, 13:00ak arte) edota festibal garaian harreran bertan (maiatzaren 22ko arratsaldea, 23 eta 24an).

Egitarau zehatza www.hendaye-culture.fr webgunean aurki daiteke.

Plataforma

Hiriak plataforma berezia jarri du herritarren eskura, arazoen berri eman eta bizi-ingurunea hobetzen laguntzeko: esku-hartze arloan, garbitasunean, bide-sarean, argindarrean, berdegunetan, seinaleztapenean,… Plataforma aurkitzeko: hendaye.kasuklik.fr.

Oroitarazten da Euskal Elkargoa dela hondakinen, uraren eta garbitze kudeaketan eskumena duen erakunde bakarra. Zerbitzu horiekin loturiko arazo edo disfuntzioen berri emateko, jo Elkargoko tresnetara.