Herriz Herri - Aldude (NB) | 2026ko Uztailaren 23a
Esnausuko bestak
Esnausuko bestak uztailaren 25 eta 26an iraganen dira, bi egunez luzatuko den egitarauarekin. Ebiakoitzean (18:00), pilota partida jokatuko da Esnausu eta Eugiren artean: Esnausuren izenean Hualde-Alcasena bikotea ariko da, eta Eugiren izenean, berriz, De La Fuente-Mikelarena bikotea. Partidaren ondotik, burger gaualdia antolatua da, DJ Cric Cric-ek alaiturik. Igandean (10:30) meza nagusia Esnausuko kaperan ospatuko da. Arratsaldeko 14:00etatik goiti, mus lehiaketa iraganen da. Parte hartu nahi dutenek izena eman dezakete 07-72-27-56-61 zenbakira deituz. Mus lehiaketaren ondotik, talo eta xingarra jateko parada izanen da. Esnausuko gazteriak auzotarrak nahiz inguruko herrietako jendea gomitatzen du bestetara hurbiltzera eta besta giroaz gozatzera.
