Herriko aldizkaria

Kontseilu berriak lehen ekintzen berri helarazi digu informazio gutunaren bidez:

Laburbilduz, Patrick Genin auzapezak eskerrak bihurtu ditu, bai herriko langileei baita ere konfiantxa egin dioten herritar guziei.

Lehenbiziko bilana azaldu digute heldu diren proiektuekin batera: bizileku sozialaren proiektua (BRS moldekoa) baztertua izan dena, lursailak erosi nahidituzte (1.310m² Intaxokoan 300.000€-tan, hilerriaren handitzeko, 4.666m² Etcheverry familiari, 700.000€-tan eta aktibitate eremu baten sortzeko, 1.303m² Larronde familiari). Egin dituzten obrak bai eskola publikoan, bai bideetan agertzen dira. Herrikoaitzinkontuak (955.350€ funtzionamendu sailean eta 2.116.767€ inbertsiorako). Azpimarratzekoa da auzapezaren eta 4 axuanten (1. Myriam Laskri, 2. Michel Arana, 3. Pantxika Etchepare, 4. Antoine Cancillo) ordainsariak apaldu dituztela 10.000€-ko zenbateko diru zama elkarteen laguntzeko erabiliko dutena.

Zuraideko pestak

Hor ditugu 23tik 27ra, gure gazteak pil-pilean, bost egunez izanen baitute zer bizi: ostegun huntan hasiko zaizkigu (20:00) Alaiki dantza taldearen ikusgarriarekin, Lapatinako musikariek dute lekukoa hartuko su artifiziala aitzin, DJ Ainarekin lehen gaualdia bukatzeko.

Ostiralean (19:00) abiatuko da aperitifa animatua, zikiro afaria antolatu aitzin, Gaubele taldeak animaturik.

Larunbat goizean, Atzarriko gazteen pilota txapelketa eta sagarnotegi bazkaria Bergara ostatuan Bi Katxi taldeak animaturik. Arratsaldean, joko, mus txapelketa, Pontx pailazoa eta indar jokoak gaueko kontzertuak aitzin, Dizkobolo, Sutagar eta Basapiztiak.

Igandean meza ospetsua (10:00), korrikleta lasterketa (11:00), herritarren aperitifa eta bazkaria Xilar trinketean. 17:30ak inguru trostan ibiliko dira karrikan, zaldia eta zaldunak antzara jokoan, Zarena Zarelako dantza ikusgarria aitzin. Utxarangaren musika, Toro De Fuego eta DJ Doyk dute animatuko igandeko gaualdia.

Asteleheneko eguna pausa eguna izango da (20:00ak arte), herritarren afariak bururatuko baititu herriko pestak, Bi Katxikoek bazterrak alaituz.

Pesta giro hortan beti gogoan ditugu Martin eta Chloé, goizegi joan diren bi herritar gazteak