Herriz Herri - Aldude (NB) | 2026ko Azaroaren 05a
Perkainen Itzalean dokumentala
Azaroaren 8an, igandearekin, Perkainen Itzalean dokumentala proiektatua izanen da Sanoki gelan (16:00). “Nun Habila Perkain” eta “Perkainen Haritik” dokumentalen ondotik, aurten Perkainen Itzalean filmaren aldia dugu. Oraingo dokumentalak, 1924tik 2000ra arteko pilotarien historia aipatzen du, garai hartako oroitzapenak eta lekukotasunak bilduz. Dokumental honen berezitasuna da agertzen diren eta hitza hartzen duten lekukoak oraingo belaunaldietakoak direla. Haien oroitzapen eta lekukotasuneri esker, pilotaren historiaren garai bat ezagutzeko parada izanen dugu, beti irudi miresgarriz apaindua den film baten bidez. Ongi etorri deneri!
