Ildo Xoriak koru mistoa sortu da Ortzaizeko Baigura Kantuz korala eta Lagun Alai Baigorriko korua bateratuz. Bi taldeetako kantari batzuk elgarretaratu dira eta horiei Iholdiko kantari batzuk lotu dira. Jean-Paul Idiart ortzaiztarrak kudeatzen du koru berria. Errepikak hasiak dituzte zonbait hilabete hauetan. Bere lehen kantaldia eskainiko du Ortzaizeko elizan, azaroaren 8an, igandearekin (16:00). Sartzea urririk da baina ateratzean bakoitzak uzten ahalko du nahi duena. Toto eta Lolo bikoteak segurtatuko du lehen zatia. Bikote hau Xitoak musika taldean ari izanak dira aitzineko urteetan eta lehen emanaldi horretan lehen zatia eman ondoan koru berria lagunduko dute beren musikaz. Ortzaizekoaren ondotik, bertze bi kantaldi emanen ditu koru berriak, Iholdin azaroaren 29an eta Baigorrin abenduaren 6an, biak igandez eta ber tenorean (16:00).