Ohiko bizileku eskasiaren arazoari aterabide berri bat eman asmoz, joan den ortzegunaz geroztik, indarrean da Jaurlaritzaren Alokaplus egitasmoa. Araban, Bizkaian eta Gipuzkoan 25.000 etxebizitza inguru hutsik daude; gainera, eskaera handiko eremuetan. Etxe-jabeak eta etxetiarrak, denak irabazle nahi ditu Eusko Jaurlaritzak. Neurri berri horrek, etxe-jabeak 14 hilabetez babestuko ditu asurantza publiko eta urririk izanen den baten bidez. Babes epea 20 hilabetera luzatuko da 35 urte edo gazteagoa, 65 urtetik goitikoa, guraso bakarreko familiako kidea zein adingabeak edo desgaitasunik duten kiderik balitz tartean. Helburua, alokairurik ordaindu gabeko hilabeteak eta etxebizitzetan eragindako kalteak ez daitezela jabeentzat zama izan; etxetiarrek, hortaz, ez dute asurantza pribaturik ordaindu beharko eta alokatutako etxebizitza ohiko bizilekua izanen dute administrazioak erabakitako prezioan. Horrela, etxebizitza gehiago merkatura eta berme sendoagoak jabeentzat.

ELA sindikatuak azaldu duenez Hego Euskal Herrian etxebizitzen merkatuak, salmenta zein alokairu, gero eta desberdintasun handiagoak eragiten ditu gizartean. Horri buruz, politika publikoak, bereziki Nafarroan, apalegiak dira: Maria Txibite sozialistaren gobernuak aurrekontu berrian %1,6 baizik ez du bideratuko etxebizitzaren politiketara. Egoeraren larriari aurre egiteko, sindikatu honek neurri berriak proposatu ditu: banketxe publikoaren sorrera, alokairu publikoaren hedapena, fiskalitate aldaketa edota etxebizitza politiken erabateko eskumena. Nafarroan adibidez, babes ofizialeko etxebizitzen (HLM) alokairua %2ra heltzen da, Europan %6,5ekoa denean. Gainera, errenta apaleneko familien ahalak hustuz bezala familia aberatsenenak gora doaz. Hego Euskal Herrian, iaz 1338 milioi euro ordaindu ziren alokairutan, kopuru horren %62a errenta apalena duen populazioaren %40ak ordaindu zuen eta, aldiz, errenta handiko populazioaren %20ak bereganatu zuen alokairu diru kopuruen %55a. Alta,...

Duela 25 urte, eritasun luze baten ondotik, pausatu zen Iruñean Javier Oses Flamarique. Horrela aipatuz, nork du egun ezagutzen jaun hori? Azantzik gabe, ixil-ixila, bizi izan zen. Berdin hil ere,harrabotsik gabe. Lagunek eta gogoan dutenek diote, gizon argia, apala, jendartekoa, atsegina, eskuzabala eta beti beharrean zen nornahi laguntzeko prest… beti horrela bizi izan zela 32 urtez Oskako (Huesca, Espainia) apezpiku izandakoa. Nafarroan, Tafallan sortua (1926), gazterik apeztu, Iruñeko Seminarioko irakasle eta zuzendari izan zen, Paulo VI. Aita Sainduak 1969an Oskako apezpiku laguntzaile izendatu zuen arte. Otoitzeko gizona, Eliza gogotik maite zuena eta ororen zerbitzari izanik ere, bereziki, apalenak, bizitzak baztertuak, eriak, behar gorriak jotakoak, horiek zituen oroz gainetik maite. Erran gabe doa, Francoren azken urtetan Espainian nagusigoa zuten apezpiku kontserbadoreenek ez zutela haien begikoa. Alabaina, orok diote bere ahotik ez zela nehoiz jali Elizaren batasuna...

Bilboko Athletic taldeko Unai Simonek jaso du aurtengo munduko atezain onenarena. Eskerrak ematerakoan, eskuartean paperik gabe, bere bihotzari gainezka zerionetik mintzo, garbi utzi nahi izan du pertsona ona izateagatik, horren aitortza jasotzea dela garrantzia duena. Unai Simon gaur nor den huraxe horrela izaten lagundu duten anitz pertsona aipatu ditu Athleticeko jokalariak. Bereziki bat azpimarratuz: “Koldo Asuari eskerrak eman nahi dizkiot, Goian bego!, berak erakutsi baitzidan futbola bertze gisa batez ulertzen”. Athleticeko atezainak erran duenez Asuak irakatsi zion zinez garrantzitsuena ez direla sariak, ez eta ere bakarka erdiesten diren lorpenak, bakoitzak bertzeengan uzten duen ondarea eta adiskideengan utzitako oroitzapena baizik. Koldo Asua Indautxuko Jesuiten eskolan literatura irakasle izan zen; eskola bereko futbol hezitzailea ere. 2004an Athletic taldeko futbolari gaztetxoen heziketan ardura zenbait hartu zituen, bertzeak bertze, hauen ikasketen eta giza...