Herriz Herri | 2025eko Urriaren 09a

Arte erakusketa - Bardoze arrosaz - Xarnegu ikastolaren berri batzuk

Arte erakusketa

Irailaren 20tik eta urriaren 20a arte, Albodi zahar etxeko bizitzaileek egin zituzten arte obrak erakusten dituzte herriko mediatekan. Sartzea urririk da, eta baratzezaingoa da obren gai nagusia. Zatozte zaharren sentsibilitatea eta talentua ezagutzera!

Bardoze arrosaz

Urriaren 25ean iraganen da. Egitarauan: izen ematea 5 eurotan herriko plazan (9:15). Flash mob beroketa gisa Justinek animaturik (9:30). Oinezko...

Herriz Herri | 2025eko Urriaren 09a

“Hiru emazte kantari gogoan

”Eztitxu Robles Arangiz, Lurdes Iriondo eta Maite Idirin aipatzeko eta argitan emaiteko mintzaldi/kantaldia urriaren 11n larunbatarekin antolatua izanen da (20:30), Bixintxo kultur gunean. Bixintxo kultur taldeak antolatzen dauku.

1960 eta 1970eko hamarkadetan emazte guti zen taulen gainetan kantari. Egiazko militante lana egin dute: hizkuntzan, kulturan, aberrian, sozial sailean… Bestalde, aberria eta jendarteaz gain, beren barneko sentimenduen kantatzen jakin...

Herriz Herri | 2025eko Urriaren 09a

Talo eta izozki salmenta

Garaziko eta Azkarateko Munhoa ikastolek taloak eta izozkiak saltzen dituzte. Talo freskoak, hormatzeko edo berehala erretzeko proposatuak dira, 10 talo 7€-tan. Bestalde izozkiak ere salgai dira 6 ontzi (mertxika eta ahabia), multzoa 12,50€. Urriaren 12a aitzin manatu behar dira 06-83-80-84-54 numerora sms bat igorriz. Urriaren 17an Garaziko ikastolan banatuak izanen dira (16:30-18:00).

Herriz Herri | 2025eko Urriaren 09a

Loturei buruzko inkesta

Euskal Elkargoak inkesta egin nahi du ur zikinen eta euri-uren lotzeari buruz, Ithurralde etorbidean, Elie de Sèze karrikan, Duconte karrikan, Kanposenia etorbidean, Gambetta karrikan, Perkain hiribidean eta Vauban karrikan. Inkesta ur zikinen sareen hobekuntzako lanen baitan eginen da. Diagnostikoa ACB, Assainissement Côte Basque enpresak eginen du. Urritik goiti, teknikariek atez-ate hitzordu hartzea eginen dute ukituak diren erabiltzaile bakoitzarekin.

Herriz Herri | 2025eko Urriaren 09a

Zirkoa euskaraz gozatu

“Donazaharren euskaraz”-ek urriaren 21etik 24ra zirko ikastaldiak proposatzen ditu, Mizpira gelan iraganen direnak. 4/6 urte arteko haurrentzat (14:00-15:00), lau egunak 35€ kostako dira eta 7/12 urte artekoentzat (15:15-17-15) 50€. Izena emaiteko donazaharre.euskaraz@gmail.com edo 06-81-47-96-40.

Herriz Herri | 2025eko Urriaren 09a

Aire Ona - Arrabestak

Aire Ona

Zonbeit urte isilik egonik, erretretadunek berriz abiatzen dute beren batasuna. Bulego berria izendatu dute: lehendakari Duhart Marie-Christine; lehendakariorde Pourteau Jean-Pierre; diruzain Mazain Denise; diruzainorde Mendilahaxu Marie-Jeanne; idazkari Larre Maité; idazkariorde Sarraude Janine.

Aire Ona elkarteko arduradun berriek espero dute herriko hirugarren...