Euskararen urtaroa

Euskararen urtaroa azaroaren 21etik abenduaren 3ra iraganen da Bardozen, eta egitarau ederrari esker, euskaraz gozatzeko parada izanen da gure herrian!

Azaroaren 21ean, ostiralez (19:00), gonbidatuak gara kantu pintxo gauaz gozatzera, Salha jauregiko gelan. Bardozen Kantuzekin eta Watsonekin kantatuko dugu, eta Xarnegu Ikastolako burasoek pintxoak eta edariak proposatuko dizkigute.

Gero azaroaren 26an, asteazkenarekin (10:30), Libreplume elkarteak ipuinak euskaraz kondatuko dizkie haurrei.

Hiru egun berantago, azaroaren 29an, arratsaldea hasiko da jokoekin Salha gazteluan (14:30), eta ondotik Ihitza Parot neuropatak emanen du haurren elikadurari buruzko mintzaldia zineman (18:00).

Biharamun goizean, azaroaren 30ean beraz, haurrak eta burasoak gonbidatuak dira (10:30) Salha gaztelura brunch-a elkarrekin prestatzeko eta gozatzeko. Amaia Castorene sukaldariak animatuko du tailerra.

Eta aurtengo edizioa bukatzeko,...

Kontzertua

Azaroaren 14an (21:00), Karma eta Pelax taldeak entzuteko parada izanen da Le Magneton. Sartzeak 10 euro kostako du.

Biltxokoko larunbatak

Azaroaren 15ean (12:00-14:00), Bost Axola taldeak Augustin karrikaren animazioa segurtatuko du.

Dokumentala

Azaroaren 15ean (18:00), "Caminho Longe" dokumentala ikusten ahalko da, Kristiane Etxaluz eta Alfontso Etxegarairen parte hartzearekin. Urririk izanen da eta euskaraz. Hitzordua Epaiskan emana da.

“Karmele”

Azaroaren 18an (20:30), “Karmele” filmaren estreina izanen da Atalante zineman. Ondotik Asier Altuna zinegilearekin topaketa izanen da. Sartzeak 7,50 euro kostako du. Huna filmaren sinopsia: “1937ko gerlarengatik etxetik kanporatuak izan ondoan, Karmelek eta haren familiak ihes egiten dute, Ipar Euskal Herrira lehenik eta Parisera gero. Ihesaldian, Karmelek erbesteko euskal...

Biziraupeneko ikastaldia

Eskolako oporraldien denboran, 11 eta 15 urte arteko abenturazale gazteek biziraupeneko ikastaldia bukatu dute egun osoko murgilaldiarekin oihanean. Egitaraua: etxolak eraikitzea, almadiak eraikitzea, arrantza eta bizirauteko teknikak. Gazte Guneak eta IEZIk antolaturiko ateraldi horiek gazteak izadira sentsibilizatzeko, haien beregaintasuna indartzeko eta talde eta elkartasun izpiritua garatzeko bidea eskaini dute.

Urririkakotasunaren eguna

Azaroaren 15ean (10:00-12:00/14:00-18:00), larunbatez, Sardara gelan elkartasun eta partekatze izpirituan, Marinela - Zubiburu auzotegietako batzordeek haurrei eskaini urririkakotasunaren egun berezia antolatzen dute, joko, jostailu eta jostetaren inguruan. Puskak uzteko: azaroaren 14a, ostirala (18:00-20:00) edo lekuan berean larunbat goizean. Ekitaldia denei irekia zaie.

Denek jokoak eta jostailuak har edo eman ditzakete, berrerabilera...

Mintzalagun

Aurten AEKk Mintzalagun taldeak abiatuko ditu Hazparnen. Horren helburua euskaraz mintzatzeko parada guti dutenek kalakarako prest diren herritarrekin kontaktuan jartzea da, astean oren batez denek adostu lekuan. Irakaslerik ez, prestaketarik ez, solasaldi libre eta naturala.

Parte hartzeko izena eman behar da Interneten bidez, disponibilitateak emanez:

https://emanizena.praktikatu.eus.

Nerabeen gunea (Pôle Ados)

Irailaz geroz, gune berezia eskainia zaie nerabeei asteazken guziz (14:00-17:00) Mendeala gelan. Kolegioko seigarrenetik harat idekia da. Gune goxoa lagun artean elkartzeko, aktibitate desberdinak egiteko (artistikoak, ludikoak, kirola...), elkarrekilako proiektuak garatzeko.

Elkartzeko eta trukatzeko gune hori gazteen nahien arabera aitzina daiteke.

Informazio...

Empleo Egunak - Mugaz Gaindiko Informazio Jardunaldiak azaroaren 17an (9:30-17:00) eta 18an (9:30-14:00) izanen dira Akitania Berria-Euskadi-Nafarroa Euroeskualdearen egoitzan Hendaian.

Pirinio Atlantikoetan bizi eta Euskadin edo Nafarroan (edo alderantziz) lan egiten dutenei, mugaz gaindiko langileak kontratatzen dituztenei, ondoko herrialdean bizitzea edo lan egitea pentsatzen dutenei zuzenduak dira jardunaldi hauek.

Hitzordua hartu behar da (www.smartagenda.fr) banakako elkarrizketetan administrazio eskudunei zuzenean galderak egiteko eta funtsezko gaiei buruzko informazioa lortzeko: osasun-asegurua, fiskalitatea, erretiroa, langabezia, enplegu-bilaketa, lan-zuzenbidea, langileen lekualdaketa, gizarte-kotizazioak eta...

Pantzo Man Show

Ikuskizun hau iraganen da ostiral huntan, azaroaren 14an, Atharriko Gaztetxean (20:00). Baina jadanik 19:00etarik goiti hartzen ahalko da tokian berean janari eta edari gau goxoa pasatzeko.

Ekitaldi hau antolatzen du Arrokagarai ikastolak. Sartzea 10€.

Sehaska hustea

San Josep eskolak eta Ikasleen Buraso Elkarteak sehaska hustea antolatzen dute igande huntan, azaroaren 16an (9:00-17:00), Atharri ezkerparetan.

Hor aurkitzen ahalko dira haur eta nini jantziak, haurtzaintza muntadurak, jostailuak. Izanen da ere egun osoan talo eta edari gosea eta egarria tronpatzeko.

Argibideak eta erreserbak: 07-82-98-56-64 edo apel@sanjosepitsasu.com.

Adinetakoen bazkaria

65 urtetik gorako itsasuar guziei eskaintzen zaien GEUZaren bazkaria azaroaren 29an iraganen...

Azaroaren 15ean, Makean, Palestinaren alde mintzaldiak, merkatua, arte obra erakusketa-salmenta eta kontzertuak egun osoan iraganen dira.

Eguna mintzaldi batekin hasiko da (10:30), gaia delarik: “Palestinar herriaren erresistentzien oihartzunak. Israelen proiektu kolonial eta genozidioari aurre egiteko borrokak”. Hizlariak: Salah Hamouri abokatu franko-palestinarra, Sarah Katz Bakerako Judu Frantses Batasuneko (UJFP) kidea eta Mays Qaisi palestinar errefuxiatua.

Bazkaldu aitzin, Ibantuta eta Bashar Zeinen musikariek kontzertua eskainiko dute. Bazkariarentzat ez da aitzin izenik emaiten ahal (13€).

Arratsaldean, lau hitzaldi izanen dira. Bi hitzaldi batean iraganen dira (15:30-17:00): “Laborari palestinarrak, Israelen jomugan”, Palestinako laborarien erresistentzia aipagai izanen da. Memento berean “Frantzian eta Ipar Euskal Herrian, Palestinarentzat elkartasunaren kontrako errepresioari aurre egin” hitzaldia.

Ondotik (17:30-19:00), beste bi...

Azaroaren 15ean (16:30), Maryse Urruty antzerkilariak “Erromako zubia” ipuin-musikatua Hodi Aldean emanen du. Ikusgarria 5 urtetik goiti dituzten haurrentzat da. Sartzea 10€, elkarteko kideentzat 5€, lekuak atxikitzen ahal dira 06-63-77-43-82 numerora mezu bat igorriz.

Bizidunaren hitzak festibala

Lumak elkarteak antolaturik, Donibane Lohizuneko eta Ziburuko Herriko Etxeen lankidetzarekin, “Bizidunaren hitzak” edo Lettres et Le Vivant festibalak hitzordua ematen du aurten ere, azaroaren 14tik 16ra, literatura-ekitaldi goxo eta bateratzaileekin. Asteburu batez, aukera izanen da zinema-eztabaidaz, filosofiaz, literaturaz eta zientziako hitzaldiez, euskarazko hitzaldi batez (bapateko itzulpenarekin), eta antzerki edo ikuskizun biziez gozatzeko.

Urteroko hitzordu honek alor arteko gurutzaketara gonbidatzen gaitu, izadi eta bizidunaren arteko loturak hobeki ulertzeko. Egitaraua: lettres-et-le-vivant.fr.

Maurice Ravelen eskultura

Maurice Ravel omentzeko, 150 urteen karietara, Donibane Lohizuneko herriak galdegin zuen eskultura azaroaren 2an inauguratu da, konpositore ospetsuari eskainitako urtearen bukaeran egindako ekitaldian.

Eskultura Dunant...

Mendiko larreen erretzea

2025/2026 urteari begira, mendiko suei buruzko baimen eskaera laborantza zerbitzuan egitekoa da. Galderen epea mugatua da azaroaren 17tik abenduaren 5era. Xehetasun gehiago ere ukanen duzue deituz 05-59-54-54-58 zenbakira.

Konferentzia Inharrian ostegunean

Azaroaren 13an (18:30), Senpereko Kultur eta Ondare elkarteak antolaturik, mintzaldi interesantea aurkeztuko da, Alain Huber historialariarekin. 1453ko maiatzaren 29an, Constantinople hiria Ottomanek hartu zuten, hemen bukatu zen Erromanoen Inperioa eta ber denboran Mendebalde giristinoarendako gaitzeko zauria. Aitzineko garaian Byzance izendatua zen, gaur egun ezagutzen dugu Istanbul izenburuarekin. Sekulako gertariek hunkitu dute hiri hori, gurutzatzen dira jendalde desberdin frango, eskainiz izigarriko aberastasun kulturala. Mintzaldia urririk, aldiz hobe litaike erreserba egitea

Irakurri segida

Azaroaren 21ean (20:30), oraindik ikusi ez dutenentzat, “Miñan” artedrama famatua ikusteko aukera izanen da, La Perle gelan.

Egur lotak

Suko egur lotak behar dituenak abisa dezala Herriko Etxea, deituz 05-59-54-20-28ra, abenduaren 15a aitzin. Lotak saratarrentzat dira.

Urriko egoera zibila

Sortzea: Hiriart Noah 2025/10/05. Heriotzea: Barreneche Dominique 75 urte 2025/10/11.

Santa Katalina

Ari da hurbiltzen, usaian bezala. Aurten ere izanen dira meza (10:30) Santa Katalinako kaperan, mutxikoak eguerditan ostatuaren aitzinean eta ondotik tripotx bazkaria Baratxarte jatetxean. Hazilaren 23an igandearekin, menua: tripotxak bixi bixiak, garbantzua zerri zangoekin egina etatxipolata errea, Baratxarteko ahatxekia saltsan eta etxeko koka, prezioa 35€, arnoa eta kafea barne, erreserbatzeko deitu 05-59-54-20-48ra.

Pilota esku-huska trinketean

Lehen mailan: Iribarren Unai-Lecuona Aritz irabazle 40-26 urruñarren kontra. 2. mailan: Etxeberri Pacheco Manex-Zozaya Eñaut galtzaile 19-40...

Iturbide kiroldegiko horma-irudia

Urruñako Emazte eta Gizonen arteko Berdintasunaren aldeko Batzordeak "Emazteak kirolean duen lekua" aipatuz horma-irudi bat egitea galdegin zion Xabi TapiaXabXab herriko artistari. Eta horrela, Xabi Tapia eta Nahia Garat argazkilaria abentura artistiko berrian buru-belarri sartu ziren. Elur Alberdi kirolaria hautatu zuten pertsonaia ardatz gisa.

Urriaren 24an “Elur Zirrara” egitasmoa aurkeztu zuten Urruñan, Iturbide kiroldegiaren horman egin duten irudi handi eta ederraren aitzinean. “Biziaren oztopoak gaindituz askatasunaren bila” izena du aipatu horman egindako irudiak.Horma-irudiaz...

Biltzar

Uztaritze Bai elkarteak proposatzen du trukaketa biltzarra heldu den larunbat huntan Herriko Etxeko Ameztia gelan (9:00-12:00), heldu den hauteskundeetan presentatzen diren hautetsi gaien inguruan. Ideiak edo proposamen berriak dituzteneri galdegina zaie bidaltzea helbide huntara: uztaritzebai2020@gmail.com. Ongi etorri deneri.

Ganer huste

Heldu den igande huntan, Jondoni Bixintxo eskola girixtinoak ganer hustea antolatzen du egun osoan, eskolan berean. Beti ganer huste horiek arrakasta handia biltzen dute. Suerte on gauza xaharren bila dabiltzaneri.

Heraitzetik berri

Ondoko asteburuan Heraitzen ospatuko da santa Katalina ''Les Amis de la Chapelle'' elkarteak antolaturik. Huna egitaraua: ortzirala 21, kontzertu kantaldia kaperan (20:00), Lea eta Anuxka...

Plazerekin ikusten dugu bikote gazte batek beretu eta berritu duela Bordaberria, Pagolako mugan den etxea eta aspalditik hutsik zegoena.

Larrondoko alaba den Argitxu Etcheberry eta Urdiñarbeko den Beñat Etchegoinberry ditugu doi bat herriaren salbagarri den obra horren egileak. Eta huna berri handiena, egoiliar bat gehiago badela etxean, zeren sortu baitzaie Unai deitu duten muttikoa.

Goresmen beroenak merezi dituzte buraso gazte horiek eta desiratzen diogu osagarri eta zorion Bordaberriko familia berriari.

Berritasunak eta lehen saria besta komitean

Besta komiteko gazteak bildu ziren duela bi aste beren urteko biltzar nagusiaren karietara. Azken urteari behako bat emanik, heldu den urteko programa prestatzen hasi dira, hauen egitaraua eta datak finkatuz. Bi urtetarik egiten duten bezala, bulego berria hautatu zuten, eta ondotik mahain on baten inguruan bildu ziren.

Pesta komiteko bulegoa hauek osatzen dute: Remy Etchevers eta Ines Moustiratz (ko-lehendakariak), Xalbat Duhalde eta Joan Beloscar (idazkariak), Ema Etcheverry eta Pantxo Hernandez (diruzainak).

Ondoko asteburuan komiteko 30 bat gaztek parte hartu zuten Heletan besta komiteen arteko gaualdi mozorrotuan. Orotara Ipar Euskal Herriko 30 besta komitek parte hartu zuten, bakoitzaren lana zelarik gai baten inguruan mozorrotzea. Heletako komiteak talde guziak sailkaturik, aihertar...

Musa

Urte guziz bezala, Olhaberri ostatuan mus lehiaketa antolatzen da. Parte hartu nahi duenak Mélanie deitu behar du 06-20-01-22-43ra. Izenak eman behar dira berantenaz azaroaren 20ko. Partidak jokatuko dira larunbat arratsetan (20:00). Sariak izanen dira: 500 euro txapeldunentzat, 250 euro galtzaileentzat, eta jokolari guziak sariztatuak izanen dira. Xantza on deneri.

Ihizi solas

Aurten, uso sasoina txarra dugu momentukoz. Badakigu ihiztaria beti esperantzarekin bizi dela, eta usoak ondoko egunetan pasatuko diratekeela. Lehen ere izan dira urte txarrak, migrazioa aldatzen ari da. Frantzian berean badute jateko eta hotzik ez du egiten lehen bezala.

Istorio pollit bat, Urepeleko eta Bankako mendian topatu zena: urte hartan ere arrunt uso guti ikusi zuten. Xalbador heldu omen zen posta utzirik gain beheiti, eta azpitik goiti Ximun Ibarra bertsularia. Hau maleruski okerra zen. Galdegin omen zion Xalbadorri: “Zer...

Heriotze

Ekutteneko Pierre Seychal zendu zaigu 70 urtetan. Irulegin bizi zen. Duela hilabete pare bat, biriketako minbizia diagnostikatua izan zitzaion. Suerte txarrez, artatzen ari zelarik, usutan gertatzen den bezala, estafilikoko bakteria bildu du, immunitate-defentsak ahuldu dizkionak, eta ororen buru hortarik zendu da. Hiru anaia ziren, Michel, François (hau duela hiru urte zendua) eta Pierre. Haurrean Behaskanera joan ziren, Guy aitak, gure herriko auzapez ere egonak, Amikuzen ukanik intseminatzaile postua. Pierre semea ere intseminatzaile bilakatuko da. Martxela Etxebehererekin hiru seme ukan dituzte, Antton, Mattin eta Beñat, eta bost arra-haur. Gorputza ortzegun huntan erraustua izan da Miarritzen eta ondotik hauts-untzia Bidarraiko familiaren hilobian ezarri da. Hemendik gure atxikimendu zintzoena doala familia osoari.

Asteburu huntako hitzorduak

Eskubaloia

Gizonetan, nazional 3 mailan, Irisarrik irabazi dio Aurillac-i, 41-27.

Erregional mailan, bigarren taldeak galdu du Buros-en, 23-34.

Erregional mailan, hamazazpi urtez petikoek galdu dute ASPOM Bègles-en kontra, 20-30.

Nesketan, nazional 3 mailan, Kanbo/Irisarrik irabazi du Marmande-n, 39-30.

Bigarren taldeak irabazi du Bosdarros-en, 31-21.

Erregional mailan, hemezortzi urtez petikoek irabazi dute Mont de Marsan-en, 45-23.

Heldu den larunbateko partidak

Gizonetan, nazional 3 mailan, irisartarrak joanen dira Tournefeuillera (19:00).

Erregional mailan, hemezortzi urtez petikoak joanen dira Bordelera (19:00).

Nesketan, erregional mailan, Kanbo/Irisarrik errezebituko du Floirac (15:30).

Heriotze

Aste huntan ere heriotze bat ukan dugu herrian:Amaia Urbizu zendu da 47 urtetan. Hunen ehorzketak ortzirale arratsaldean iragan dira Ortzaizeko elizan. Gure doluminak eskaintzen dizkiogu familiari.

Garbi elkartearen tagin salmenta

Garbi elkarteak tagin salmenta eginen du larunbatean. Plata partea gehi goxoki bat 15 eurotan izanen da. Aitzinetik manatu behar dira telefono zenbaki huntarat: 06-03-68-66-94. Manatuaren xerka jin beharko da Garbi zinema gelarat larunbatean (16:00-18:00).

Kantaldia

Joan den astean aipatu bezala, azaroaren 16an (16:30), Hegoak Mendian elkarteak kantaldia antolatzen du elizan. Erramun Marticorena, Bestela, Xan eta Iban, Lea eta Anuxka, Menditarrak eta Ekain txistularia taldeak entzuteko aukera izanen da. Sartzeak 10 euro kostako du. Ongi etorri...

Istripu

Aitzineko asteazkenean, 65 urteko ibilkari batek 150 metroko erorikoa egin du Izpegi eta Buztanzelai arteko malda batean, leize baten zolaraino. Harekin zabiltzaten lagunek sokorriak 15:00ak aitzinttoan deiturik, zailtasunak ukan dituzte kolpatuaren ondora heltzeko, toki gaixtoan baitzegoen. Zauri larriak bazituen bisaian, bizkarrean eta kostetan ere hunkia zen.Salbatze lanek luzaz iraun eta, Baionako ospitalera ereman dute helikopteroz.

Ibarreko sindikatuaren deia

Bi urteko esperimentazioa proposatzen du “hesi birtual” bezala presentatzen duten GPS lepokoarekin, kabalentzat. Interesatuek badute orri dokumentu bat betetzeko azaroaren 30a aitzin. Bi helbide hauetarik batetara igortzen da: mailez:

Irakurri segida

Euskararen urtaroa Amikuzen

Hilabete huntako azken astean, Euskal Elkargoak antolatzen duen euskararen urtaroa dugu. Bi urtetarik egiten da eta Amikuzen zenbait ekitaldi proposatuak dira, hala nola:

“Bizkarsoro” filma eta mahai-ingurua, Donapaleuko zineman azaroaren 23an, igandez (18:00), Eusko monetak antolaturik.

“Itzulera” antzerkia Dejabu konpainiarekin, Donapaleuko zineman, azaroaren 28an, ostiralez (20:30), Kitzikazank eta Zabalikek antolaturik.

Donapaleuko bisita gidatua euskaraz, azaroaren 28an, ostiralez (13:30), turismo bulegoak antolaturik. Izenak aitzinetik eman 05-59-65-71-78ra deituz.

“Oihaneko pianoa” ikusgarria, eskoletako 3 eta 6 urteko haurreri zuzendua dena,azaroaren 28an, ostiralez (10:30 eta 14:00) Donapaleuko zineman, Donapaleuko Herriko Etxeak antolaturik.

“Haize beltza” nobelaren aurkezpena Amaiur Epherrerekin, Donapaleuko mediatekan, azaroaren...

Orain duela bi urte, taldekako Xilabako bidea egin ondotik, berriz ere bakarka ibiltzen arituko dira larrazken eta negu huntan Xilabako bertsolariak. Amikuzeri dagokionez, Domintxinen izanen da bertso saioa heldu den ibiakoitzean, azaroaren 15ean (17:00), bertsolari hauekin: Xermin Camblong, Haira Aizpurua, Miren Artetxe, Josu Txoperena, Joanes Etxebarria eta Haize Lekuona.

Amikuztarrek aldiz beste saio batzuetan kantatuko dute: Ramuntxo Kristik eta Xan Alkhatek azaroaren 22an, Ainhoan; Pettan Prebende eta Bittor Thikoipek azaroaren 30ean Ligin.

Plazera har dezatela kantatzean, eta guk ere behatzean...