Herriz Herri | 2025eko Apirilaren 03a

Sortze - Ongi izatea eta plazera - Gozategia hetsia - Emazteen arteko bazkaria - "12. Freedom for Aiherra"

Sortze

Hergaitze auzoaldean, Gureartean-eko Sandra eta Patrick Barneche lorietan daude, hirugarren haur bati ongietorria egin baitiote, joan den martxoaren 15ean. Maitane eta Iban lehen bi alaba-semeak ez omen dira gutti kontent.

Zorionak Jon deitu duten sortu berriari eta goresmenak eta goraintziak burasoeri.

Ongi izatea eta plazera

Goiti Aire hirugarren adinekoen elkarteak goiz eztabaida berezia antolatuko du apirilaren 28an,...

Herriz Herri | 2025eko Apirilaren 03a

Antzerkia

Apirilaren 11n (20:30), "Le Repas des Fauves" antzerkia ikusten ahalko da La Perle gelan. 1942an iragan gertakizun bat kondatuko da, lagun batzuek elgarrekin afaltzen duten bitartean bi ofizial aleman erailak dira kanpoan.

Sartzeak 5 eta 15 euroren artean kostako du. 12 urtetik gorakoei zuzendua da. Tokiak atxikitzeko: boutique.otpaysbasque.com.

Herriz Herri | 2025eko Apirilaren 03a

Sortze - Gazteen osagarriaz - Pilota

Sortze

Goresmenak Izpegiko Errekako "Ur Ondoan" bizi diren Camille Urrutia eta Betti Bidart-i. Ongietorria egin diote Haize heien bigarren alabari. Ez dugu dudatzen Naia ere bere ahizpa ttipiaz ongi okupatuko dela.

Gazteen osagarriaz

Oroitarazten dugu foru egunaldia iraganen dela ortzirale huntan (apirilaren 4an) Donibane Garazin eta Baigorrin, gazteen osagarriaz.

Donibane Garaziko merkatu estalian (8:30-18:30), tailerrak eta...

Herriz Herri | 2025eko Apirilaren 03a

"Masusta erreximenta" liburuaren aurkezpena

Ekaitz Bergaretxeren"Masusta erreximenta" liburuaren aurkezpena apirilaren 4an Espelletenian (19:00) iraganen da.

Ekaitz Bergaretxe kostaldean handitu da, familia abertzale batean, gaztetik ezagutu dituen errepresioa, sarekadak, sekretuak, beldurrak, bozkarioak eta lagunen arteko momentuak taburik gabe kontatzen ditu.

Herriz Herri | 2025eko Apirilaren 03a

Herriko Etxeko eskerrak - AIBA elkartea - Apirileko kulturaldia kari

Herriko Etxeko eskerrak

Aldudeko Herriko Etxeak eskertu nahi ditu patrimonioaren konkurtsoan Esnasuko erretaularen alde bozkatu duten guziak eta ere mobilizatuz beren ingurukoak. Gure proiektuak 6.067 maila edo boz ukan ditu bainan ez da aski izan. Plazer da ikustea zein mobilizatzea izan den lehenik herrian, baita auzo herrietan eta urrunago ere. Hala ere berritze lanak aitzina doatzi, eta ondoko egunetan erretaula bere Esnausuko aterbean berriz kokatua izanen...

Herriz Herri | 2025eko Apirilaren 03a

Heriotze

82 urte bete behar zituen apirilaren 1ean Jeanine Etchemendyk, Lasan sortua zela Etcheverria izenarekin. Martxoaren 20an zendu da Donapaleuko ospitalean. Bizpahiru urte bazuen semeak hartua zuela bere ondorat Baigorrirat, bakartasunetik kendu eta egokia zuen bizitegian goxoan ezarri. Jean Pierre Etchemendyrekin esposaturik joan ziren Tarbeserat lanak manaturik. 4 haur ukanik han bizi zen familia pollita, nun aita gaztea eritasunak harturik, etortzea behartua izan zen familiarat eta hor...