Herriz Herri | 2025eko Martxoaren 27a

Ogi Labea - Loto

Ogi Labea

Baigura ikastolak Ogi Bestara gomita zabaltzen du, aurten apirilaren 6an iraganen da. Labearen piztearekin eguna hasiko da (8:00). Plazan haurrak makillatzen ahalko dira (10:30), haurrentzat eta helduentzat dantza tailerra proposatua da (11:00), ondotik Biak Hobe taldeak aperitifa eta bazkaria animatuko du. Jateko izena eman behar da sms bat igorriz 06-75-73-47-92 numerora, kasu apirilaren 1a aitzin. Arratsaldean ere egitarau aberatsa proposatua da, herri...

Herriz Herri | 2025eko Martxoaren 27a

Kontzertua

Sortu eta berrogeita hamar urtera, Errobik, euskal folk-rockaren talde mitikoak, bere itzulera iragarri du eta apirilaren 4an (20:00) ariko da Tanka gelan, lehen partean Ixabe izanen dela. Eskariari erantzuteko, jarlekuen kopurua handitua izan da, 200 toki berri salduz. Agian oraindik geldituko dira, tanka-saintjeandeluz.notre-billetterie.fr webgunetik lehenbailehen har daitezke. Tokiak 10 eta 24 euroren artean kostako du.

Herriz Herri | 2025eko Martxoaren 27a

Kontzertuak - Udaberri gaua

Kontzertuak

Kupela sagarnotegiaren 10 urteen karietara, apirilaren 5ean, 13:00etatik goiti, Lagunak, Atzarbale, Gozategi, Kilimak eta DJ Doy taldeek kontzertua eskainiko dute sagarnotegian bertan.

Udaberri gaua

Apirilaren 5ean (19:00), udaberri gaua ospatuko da Bloñ, Olaia Inziarte eta AKTS taldeekin Zizpa Gaztetxean. Sartzeak 10 euro kostako du.

Herriz Herri | 2025eko Martxoaren 27a

Udaberriko garbiketa handia

Udaberriko garbiketa handiaren 17. edizioak 240 parte-hartzaile baino gehiago bildu ditu itsasbazterra zaintzeko. Zenbaki batzuk: 334 kilo hondakin bildu dira, 254 kilo hondakin orokor (plastikoak, paperak, poliestirenoa...), 34 kilo beira, 46 kilo egur eta 1 000 zigarro-mutur.

Herriz Herri | 2025eko Martxoaren 27a

Gernikako arbolaren kimua

Gernikako arbolaren kimu bat Herriko Etxeko plazan landatua izan da. Ana Otadui Biteri Bizkaiko Batzar Nagusiko presidentea eta Laurent Inchauspe herriko auzapezak dute landatu. Gogotik taldeak "Gernikako arbola", Jose Maria Iparragirre olerkari eta koblakariak idatzi kantua eman dute, Garaztarrak dantza taldeak aurreskua dantzatu duela.

Herriz Herri | 2025eko Martxoaren 27a

Prentsaurrekoa - Kontseiluko biltzarra - Parropiatik berri - Mintzaldi - Kontzertu - Kantaldi - Beste kantaldi

Prentsaurrekoa

Martxoaren 18an Lapurdin, prentsaurreko batean aurkeztua izan da eraikiko den mediateka berriaren proiektu zehatza. Herriko Etxeak mediateka berri baten proiektua 2020. urtean abiatu zuen, ikusiz oraiko mediatekan geroz eta jende gehiago dabilela, hertsiegi kausitzen dela eta ez beti baldintza hoberenean erabilia. Auzapezak nahi du berria izan dadin erreferentzia toki bat proiektu askonahi bat proposatuz. Mediateka berri hori eraikiko da Lota...