Eskubaloia -Mux xapelketa

Eskubaloia

Prenazional mailan, gizonetan, bigarren taldeak 25-24 irabazi du Lormont taldearen kontra.

Heldu den larunbateko partidak - Frantziako xapelgoan, Irisarri/Atharratzeko hemezortzi urtez petikakoek, Atharratzen, Entente Charente taldea errezebituko dute (17:00).

Nesketan, erregionaleko Frantziako koparen laugarren itzuliaren kondu, Kanbo/Irisarriko lehen taldea, Kanbon, Pays des Nestes-en kontra ariko da (21:00). Xapelgoaren kondu, bigarren taldeak Urruña errezebituko du (21:00).

Erregionaleko xapelgoan, hemezortzi urtez petikakoak Limoges-era joanen dira (16:30).

Musa

Usaian bezala hilabete huntan Frantziako mus xapelgoa hasiko da, arizan nahi dutenek behar dute izena eman, Irisarri Ttanttotegian eginahala fite, 06-74-09-81-30 deituz. Frantziako xapeldunak joanen dira Perura, munduko xalpegoaren jokatzera.

3720. zbk

Gure Hitza | 2024/01/11

Patxi Noblia gogoan

Jean-Louis Harignordoquy

Duela lau aste zendu Patxi Noblia ezagutua zen. 1965ean, Enbataren ale batzu ibilgailuan zauzkalako, mugan geldiarazi eta guardia zibilenganik 60 orenez segidan bortizki galdezkatua izan zen, gizon gazte haren ibilbidea zinez miresgarria da.

Euskal Herriko gazteek lana herrian ukaiteko, adiskide andana batek dirua prestaturik, kasik 300 langiletara heldua den Sokoa sozietatea Hendaian sortu zuen 1971n.

Muble merkatuei egokituz eta ahalaz lehen saltzailea izaitera lehiatuz, urtetik urtera Sokoa handituz joan da. Patxi Nobliak bazakien zoin beren sailean konfiantxazko arduradunen hautatzen, ekoizpena antolatzeko, saltzeak emendatzeko, langileekiko harremanetarako, eta abar. Jaz eritu arte, zuzendaritza taldearekin partekatu ditu bere bizipen eta aholku baliosak.

Xiberoa maite zuen; oroz gainetik pastoralak. Berak hala...

Irakurri segida

Gurekin harremanetan sar