Herriz Herri - Sara (L) | 2024ko Urtarrilaren 11a
Eskutik - Kontseiluko berri - Egoera zibila - Pilota
Pilota
Ellande Alfarok "Eskutik" taldearekin, xistera ttikieri buruz gogoeta eraman du. Xisterak egiteko tresna "Xirrixt" deitu dute. Xistera horiek zumearekin eginak dira. Gazte ttikiek, xisterarekin ikasteko zailtasunak badituzte, hortako pentsatu dute bertze txistera mota baten egitea, gaztaina eta lino telarekin, gazteendako arinago, pilotan aiseago ariko dira, Euskal Pilota Batzordeak onesten duena. Laneko lekua Urtxolan da, bainan ideia bada Sarako karrikan antolatzea. Suerte on Eskutik taldeari!
Kontseiluko berri
Herriko Etxeko edantegia atxikitzen duen Marieri alokatze kontratua 9 urterentzat erreberritua izan da. Herriko lurrak ere 9 urterentzat laborarieri alokatuak izanen dira. San Josep eskolak eta Olhain ikastolak, urteko dirulaguntzatik herriak parte bat emanen du.
Herriko Etxeak apez-etxea berrituko du, jadanik badira bi bizitza leku eta bertze bi eginen dira. Bizitza sozialak izanen dira, bakoitzak aparte 15m2-ko lekua ukanen du. Bertzalde leku bat ere linja zikinak garbitzeko, ez bakarrik bizitza lekuarentzat, bainan denendako partekatua, denek beren garbitasunak egiten ahalko dituzte. Permisaren galdea egina da, orain pazientzia hartu beharko da, baimena eta dirulaguntzak ukan arte.
Egoera zibila
Abenduko heriotzak - Larronde Anne-Marie espos Sarda 86 urte. Richer Hélène espos Beristain 93 urte. Etchegaray Marie-Louise espos Laborde Lavignette 93 urte. Acheritogaray Dominique 82 urte. Bertzalde 2023an 17 sortze izan dira. 18 heriotza eta 10 ezkontza.
Pilota
Trinketean - Kimuak: Lafitte Unai-Idoate Xan irabazle 40-36 Azkaindarrak-en kontra. Umetxoak: Babace Leizagoien Oihan-Zabaleta Orhi irabazle 20-11 Oztibartarrak-en kontra. Union Basque batasunean - 3. maila: Agesta Joan-Laborde Lavignette Mickael irabazle 40-05 Pays D'Ortheren kontra. Frantziako txapelketan - A mailan: Elgart Vincent-Haroçarene Arnaud irabazle 40-20 Amikuzeren kontra. B mailan: Mariluz Jule-Etcheverry Unai irabazle 40-20 Eskulariren kontra. Artekoak: Etxeberri Pacheco Manex-Zozaya Eñaut irabazle 40-23 Abarratiaren kontra. Ezkerparetan xisteran: Arribillaga Eneko-Mounho Eneko irabazle 40-34 Kapito Harriren kontra.
