Euskal Herriko mus xapelketa

Asteburua ostatuan jokatuko da Euskal Herriko zazpi probintzietako mus xapelketaren kanporaketa, ortzegunean, urtarrilaren 11n (20:00). Izen emaitea 10 eurotan izanen da jokolari bakoitzarentzat. Lau taldetarik bat sailkatuko da ondoko kanporaketentzat. Aitzinetik afaltzeko manera izanen da (19:00). Baxe Nafarroako finala martxoaren 9an izanen da eta final handia Zuberoan jokatuko da, martxoaren 23an.

Union Basque mus xapelketa

Union Basque, Frantziako mus federakuntzak antolatzen duen mus xapelketa laster hasiko da eta ortzaitarrentzat kanporaketak Etxekoborda ostatuan jokatuko dira. Izenak eman behar dira ostaturat deituz, urtarrilaren 14ko berantenaz. Partidak ondoko asteburuan hasiko dira. Finalak jokatuko dira apirilaren lehenean, Pazko astelehenarekin. Xapeldunak munduko xapelketarentzat sailkatuko dira eta Perun eginen dira heldu den urrian.

Ikastolaren bertsu afaria

Ortzaizeko ikastolak bertsu afaria antolatzen du urtarrilaren 13an, larunbatarekin, Suhuskuneko herriko gelan. Jan aitzineko edariak (19:00) eta afaria sagarnotegi moldekoa zerbitzatua izanen da (21:00), tenorez hasiko da. Afaria 30 euro kostako da. Nerea Elustondo eta Amets Arzallus bertsulariek alaituko dute gaualdia. Gai emaileak aldiz Irisarriko bertsu eskolako gazteak izanen dira. Izenak eman behar dira zenbaki huntara deituz: 06-86-37-26-18.