Joseba Sarrionandia idazlearekin batera, urte berri on!

Urte berriari zer eska?

Izan mutil izan neska

Bizi gaitezela barrezka

Ta ez itota kezkaz kezka

Urte berriari zer galde?

Egin dezatela gaitzek alde,

Izan dezagula osasuna alde

Eta egin elkarri(z) irri debalde

Urte berriari zer opa?

Egin dezagula denok topa,

Bete askatasunaren kopa

Ta kendu lotsaren arropa.

Zuraideko Laminak eta herri osoa dolutan

Herriko gazteria eta herriko familia bat beste behin joak izan dira. Chloé Garate, 22 urteko neskatxa istripuz zendu baita. Eguberri bezperan, euria jauts ahala ari zenean, etxetik ehun bat metro eskas zitzaion etxera heltzeko, bere autoa lerratu denean arbola baten kontra. Sokorriek handik atera zuten buruan kolpaturik eta ospitalera eraman. Organo emaile baitzen, bere gorputzetik atera zati batzu transplantatzea onartu dute familiakoek.

Jendea ostean hurbildu da elizkizunetara joan den larunbatean.

Istripu hunek herrian asaldura handia piztu du, ezin adierazizko emozioa sentiaraziz aurpegi guzietan. Garate eta Ourquia familia osoari, gure bihotzeko agurrak.