Argazki proiekzioa eta kontzertua

Abenduaren 6an (20:30), Nahia Garat argazkilariaren irudiak ikusi eta Matthieu Tcherbakoff, Marcial Alejandro Meja eta Tony Gerannoren musika entzuteko aukera izanen da Borderline Fabrikan. Xehetasunak: 06-76-76-75-62.

Eguberriko merkatua

Abenduaren 7 eta 8an, Eguberriko merkatua iraganen da Gaztelu Aretoan. Egitarau aberatsa proposatua izanen da sortzaile, erakusketari, erakusmahai gormantak eta animazio magiko anitzekin. Egitarau zehatza www.hendaye-culture.fr webgunean atzeman daiteke.

Erakusketa

Jaizkibeleko Geoformen erakusketa honek Jaizkibeleko gailurretan naturak moldatzen dituen geoformen argazkiak eskaintzen ditu, irudimena pizten duen kultur eta natura ondare bakarra sortuz.

Eszena magikoa eta naturala da: hareharria harririk dibertigarriena da, amets, aurpegi eta irri guziak gauzatzen dituena. Aire zabaleko museo naturala, Europako kostaldeen altxor ttiki bat. Azaroaren 27tik abenduaren 20ra ikusteko aukera bada Mendi Zolan kulturgunean, asteazkenetik larunbatera (10:00-13:00 eta 15:00-19:00). Sartzea dohainik da.