Urriaren 30ean eta 31n, ostegun eta ostiralez, beharra da gure herrian kolokio eta gogoetaldi berezi bat, unibertsitario batzuek antolatua, “Savoirs situés: se positionner?” deitua. Antolatzaileetan dugu Gorri Gorria etxean bizi den Natacha Chetcuti-Osorovitz, soziologo eta antropologoa, Paris-Cité unibertsitateari lotua dena. Zortzi alor desberdin jorratuko dira: gorputzen kontrola eta errepresioa; jakintzen erregulazioa eta protesta politikoa; arte engaiatuak eta jakintzen espresiobidea; materialtasun feministak eta zientzien praktika; etnografia sentsibleak; zuzenbidea, presondegia eta jakintzen eraikuntzak; jakintzen emantzipazioa; eta besterik ere. Ikusten duzuen bezala, gai garratzak gu bezalakoentzat, bainan bada jende mota bat gisa hortako gogoetak eramaiten dituena, unibertsitari eta istudiante bereziki. Asko tokitatik etorritako adituek hartu beharra dute hitza, soziologo, historialari, ekonomia zientzialari, zientzia politikari, biologo, antropologo, soziolinguistikari eta beste, horietan Loretxu Bergouignan, Lukas Barandiaran eta Ainhoa Ozaeta euskaldunek besteak beste. Arrume eta Artetxea geletan iraganen dira hitzaldiak eta gogoeta-eztabaidak. Bistan da, balitz hemendik nor edo nor interesatua litaikeenik, ongi-etorria egina izanen zaio. Xehetasunak internetez Bidarraiko PanneauPocket sarean.