Lekukoek salatu dute joan den urriaren 13an Gasteizen Espainiako Falange eskuin-muturreko taldearen ekitaldiaren gaitzesteko bildu ziren manifestariak bortizki tratatu zituela Ertzaintzak. Argazkiak eta bizipenak lekuko dira: “aurpegira zuzenean bideratu pilotakada batez ezpaina ebaki, masailezurra hautsi, hortz bat atera eta bi lekualdatu zizkidan”, jakinarazi du X sare sozialean manifestari zauritu batek. Hain zuzen, Ertzaintzak kolpatu zuen unearen bideo bat ere argitaratu du, eta horretan ikus daiteke agenteek nola egin zuten tiro jendearen aurka, distantzia laburretik eta buru aldera. Orotara ertzainek hogei bat pertsona zauritu zituzten igandeko kargetan, baita atxiloketetan ere. Hemeretzi arrastatu izan ziren, eta haietako batzuk ospitalera eraman behar ukan zituzten, artatuak izateko. Atxilotuetako bati, kubitua hautsi zioten ertzainek atxiloaldian, eta zauriturik atxiki zuten Lakuako komisariako kalabozoan goizaldera arte.

Oroit Espainiako Falange taldeak...

Arrasaten bildurik joan den urriaren 18an, EH Bildukoauzapezek adostu duteAraban, Bizkaian, Gipuzkoan eta Nafarroan gobernatzen dituzten herrietan “hartu-eman guzi-guziaketetea” Israelekin. Nadia Nemeh Bermeoko auzapezak eman zuen adostuaren berri. “Orain, inoiz baino beharrezkoagoa da elkartasuna adieraztea, eta Israel bakartzea da Palestina babesteko biderik eraginkorrena”.

Euskaltzaleak Bilbora deitzen ditu heldu den abenduaren 27an Euskalgintzaren Kontseiluak. Egun horretan eginen den Pizkundea ekitaldian Bilbo Arena Jauregia bete nahi du euskaltzalez eta sarrerak salgai dira Pizkundea.euswebgunean. Hamar euro balio dute.

Hego Euskal Herriko biztanle bakoitzak, batez beste, hamalau kilo janari prestatu jan zituen 2024an, sekulan baino gehiago. Geroz eta gutiago dira plater tradizionalak prestatzen dituzten herritarrak. Horiek egiteko denbora luzea behar da eta kantitate ttipietan egiteak ez du merezi izaten, adibidez, jende bat edo bi bizi diren etxeetan. Horregatik, eta gehienak hozkailuan ongi atxikitzen direlako, horiek bilakatu dira janari prestatuaren sektoreko ikur: haragi bolak, xerri masailak, biper beteak... Saltoki handiak dira onuradunik handienak, haietan saltzen baita janari prestatuaren %80 baino gehiago.

Laster mende-erdia beteko duen film laburren Lekeitioko 48. Jaialdiak hogei film labur hautatu ditu lehiarako aurten. Itziar Atienza aktorea, Beñat Sarasola idazlea eta Miren Aperribai zuzendaria ziren epaile. Filmik hoberenaren saria Eneko MuruzabalenPlanetagatiklanari eman diote. Epaimahaiko kideen ustez, “film borobil eta jostaria” da Muruzabalena. Krisi ekologikoaren gaiaumorez lantzeko gaitasuna goraipatu dute, besteak beste, bai eta Iñigo Aranburu eta Ainhoa Artetxe aktoreen lana ere. Urrezko Antzara eta 3.000 euroko saria eskuratu ditu.

Aitzol Saratxagak zuzendu Ehizafilm laburrarentzat – Mateo Txistu ipuin herrikoia berrasmatzen duena –izan da zuzendaritza hoberenaren saria. “Elezahar bat kontatzeko birtuosismoa eta istorioak duen erritmo zaindua” azpimarratu dituzte epaimahai kideek.

Bestalde, gidoirik hoberenaren saria Ana Ines...