Sarako oroimen bizia lezeetan

Urriko hilabetea ez da oraino bukatua, hortako mezua ematen dugu, zeren balio baitu ikustea.

Urrian, Sarako Lezetako gelan, sartze librea, egunero (10:00-17:00).

Gure "Xortaz xorta" egitaraua ederki bururatzen da, Sarako oroimenaren transmisioari eskainitako ekimenarekin. Euskal Kultur Erakundeak bereziki prestatutako bideo-borna interaktiboen bidez, atzoko eta gaurko saratarren lekukotasunak eta erreportaiak ikusteko parada ukanen da.

Ikustekoak: Maite Barnetcheren erreportaiak: Ganex Fagoaga kontrabandista – Gure Etxea – Jean Lemoine pilotari txapeldun ohia – Sarako usotegietan – herriko bestak Saran. Eleketa programako elkarrizketak: Louise Lastra (kontrabanda, erresistentziako ekintzak, Gerla zibileko iheslariak Saran), Joanes Basurco Garcia (Usopop). Ttipi Ttapa eta Koldo Zuazoren erreportaiak Mixel Urbistondori buruz: harri pikatze lana, sagarnoa egiten, tokiko euskalkia.

Lur erretzeak

Mendian erretzeko eremuak baldin badira, izenak Herriko Etxean hazilaren 14 aitzin eman behar dira, deituz 05-59-54-20-28ra.

Pilota esku-huska trinketean

Lehen maila: Iribarren Unai-Lecuona Aritz galtzaile 13-40 urruñarren kontra. Larrechea Peio-Etcheverry Unai irabazle 40-24 urruñarren kontra. 2. mailan: Etxeberri Pacheco Manex-Zozaya Eñaut galtzaile 00-40 Zaharrer Segiren kontra. 4. mailan: Alfaro Ellande-Jauregui Iñaki galtzaile 21-40 azkaindarren kontra.

Errugbia

Sarak irabazi du 27-18 Ychoux-en kontra, heldu den igandean ariko da Narrosseren kontra (15:00).