Mende bat eta erdiz, frantziskanoak bizi izan dira Donapaleun eta beren paisaia markatu dute. Bereziki joan den mende erditik goiti, Euskal Herrian borrokan ari ziren jendeeri ateak zabalduz, izan mugimendu sozial, sindikal, zibil, politiko ala kulturaleri, nehor baztertu gabe herri huni biziberritzea eman nahi zuten ber. Fraideek ere parte hartu dute langintza hortan, izan klerikalismoaren hierarkiak ezabatuz, izan gogoeta espiritual taldeak animatuz (Gizona gizon, Justice et paix, Amnesty, …), izan kultur lanean parte hartuz (euskara edo bertso erakaskuntzan, poesia sorkuntzan,...), Herriz herri astekaria aterbetuz, eta beste...

Etxe horrek ateak idekiak zituen, etxegabe eta ibiltarieri, joak ziren emazteeri ala etxetik kanpo ziren gazteeri, beilarieri,... gaueko aterbea eta janaria eskainiz.

Duela 30 bat urte, fraideak gutitu zirenean, etxe hortan egiten ziren animazioak segitzeko, Zabalik elkartea sortu zen. Bainan segida hori ateak zerratzeko indarrak batu ziren, alde batetik kongregazioburuak eta bestetik Donapaleuko orduko Herriko Etxekoak. Komentua hutsik erosi zuen herriak, Zabalik elkartea jokoz kanpo ezarriz bidegabeki. Herriko Etxeak Bideak proiektua landu zuen.

Urriaren 25ean (15:00), “Arantzazu” dokumentala proiektatzearekin batera, garai eta bizipen horien lekukotasunak ekarriko dizkigute orduko protagonistek. Parada pollita gure eskualdea moldatu duten gertakarien ezagutzeko, gaurko panorama ez baitzitekeen ezagutzen duguna izan, gune hori ez balitz den bezalakoa izan.

Hitzordua Bideaken emana da heldu den ibiakoitzean, urriaren 25ean (15:00).