Aste urdina

Herriko Etxeak beroki eskertu nahi ditu aste urdineko parte hartzaile guziak, eta bereziki hiru eskoletako ikasleak eta irakasleak, Bethi Aintzina elkartea, Albodi zahar etxea, CIASa, eta Eihartzea haurtzaindegia, haien parte hartze aktiboentzat, haien umore onentzat, eta haien sortzeko gaitasunentzat. Adin guzietako parte hartzaileek ibilaldia egin zuten herrian zehar, eta "indarra partekatzeko" izeneko puzzlea elkarrekin egin zuten. Arratsaldea gitarrarekin alaitua izan zen, eta bukatu zen krakada onarekin. Hirugarren edizio horrek belaunaldi desberdinen arteko loturak azkartu ditu, eta beraz arrakastatsua izan da.

Elkarrekin zahartu, xantza landu!

Zinema elkartearen biltzar nagusia

"Les Bobines Rurales" elkarteak 15 urte betetzen ditu aurten, eta bere biltzar nagusia antolatzen du urriaren 31n (19:00), Bardozeko zineman.

Bilkura eta gero, afaria izanen da. Arno gorrasta eta opila ttipiak, oilasko kolonbo, irrisa eta ilarrak, tourments d’amour bixkotxa, kafea, dutea edo tisana, 15 eurotan. Afaria erreserbatzeko, dei ezazue 06-86-70-48-10 zenbakira edo emailez: lesbobinesrurales@gmail.com.

Ondotik (21:30), "Cinema Paradiso" izeneko filma proiektatua izanen da. Zatozte momentu goxoa pasatzera!

2025eko Bardoze arrosaz

Bardoze arrosaz, bularreko minbiziaren kontrako prebentzio ekimena urriaren 25ean iraganen da. Hitzordua emana da 9:15etan izena emateko (5€), eta gero beroketa kolektiboak hasiko dira, flash mob batekin. Ondotik (10:00) hasiko da Ihesaldi elkarteak antolatzen duen ibilaldia. Hiru distantzia desberdin proposatuak dira: 6 kilometro, 12 kilometro, edota ibilbide adaptatua errugbiko zelaiaren inguruan.

Eguerditan, eskola publikoak errekiak proposatuko ditu ezkerparetan, eta kantatzeko parada izanen da Bardozen Kantuzekin!

Arratsaldean zehar, adin guziendako animazioak izanen dira, mutxikoak eta zurezko joko erraldoiak haurrentzat.

Zure burua zaindu, detekzio azterketak eginez!

Obrak bidean hasi dira

Obrak hasi dira Mondoneko bidea eta RD936-aren artean, auto eta bizikletaren bide partekatua sortzeko, eta hilabete bat inguru iraunen dute. Xantierraren denboran, zirkulazio argiak ezarriak dira, eta abiadura 30 kilometro ordukora mugatua da.

Gainera, Bidaxunetik etortzen diren autoek ezin dute zuzenki eskuinera hartu Gixunera joateko, baizik eta biribilgunera joan behar dute, gibelera itzultzeko eta gero ezkerrera joateko.