Julie"Eklore" kantuz larunbatean

Urriaren 25ean (20:30), Julie Rouault-ek bere lehen diskoa "Eklore" aurkeztuko du, Larreko antzokian. Testu poetikoen eta melodia liluragarrien artean, bere unibertso intimora eta biziaren barnera eramango gaitu, nun frantsesa eta euskararen doinuak nahasten diren. Talentu handiko musikariez inguraturik, emozioz beteriko bidaia musikala eskainia zauku. Ordu bat eta erdiko iraupena, prezio osoa 18€, murriztua 13€, erreserbahttps://www.en-pays-basque.fr/ gunean, baita turismo bulegoetan eta sarreran bertan. Urri Arrosaren baitan antolaturiko ikusgarria.

Herriko mitologia eta sorginkeria aipagai

Urriaren 29an, asteazken goizean (11:00), Senpereko turismo bulegoaren ekimenez,ibilaldi baten bitartez, mitologia eta sorginkeria hizpide izanen dira. Euskaldun mitologia kondatua izanen zaizue bere pertsonaia garrantzitsuenekin. Sorginen ihiziaren historia eta beren auzien kondaketa, 1609. urtean Euskal Herria sutan eman zutenek. Gazteluko aparkalekuan dugu biktimei buruz eraikia den omenaldi gisa, burdinazko oroitarria. Prezioa 6€, murriztua 5€, erreserba deituz: 05-59-54-11-69ra, turismo bulegoan edo hunen webgunean.

Eguberriko merkatua

Aurtengo edizioa iraganen da Larreko kulturgunean, abenduaren 6an (10:00-17:00), parte hartu nahi dutenek, izena ematea beharrezkoa dute azaroaren 14rako, eguerditan azken epea. Prezioa 3 metrorentzat 20€, izena emaiteko dosierra uztekoa da Larreko kulturguneko lehen estaian.

“Miñan” antzerkia

Axut konpainia eta Euskal Elkargoak antolatutako euskarazko antzerkiak, aho zabalik eta ongi hunkiturik utzi ditu 240 ikusleak, Larreko kulturgunean. Biziki ederra izan da baita erritmo onean, ohartzekoa zen ikusleen artean belaunaldi guzietarik bazela, hori pozgarria baita. Ibrahima Balderen bizitzaren kronikaren bitartez immigrazioaren errealitate gordina azaldua izan da. Kattalin Elizalde Kolegioko (KEI) burasoek beren laguntza ekarri badute ere, Axut konpainiak diru sarrera guziak Kolegioaren alde utzi ditu, txalotzekoa.

Bota-luzeko finala

Euskadiko pilota federazioko arduradunen aitzinean iragan da final handia gure pilota plazan, Gipuzkoa eta Bizkaiko taldeen artean. Partida ongi borrokatuaren ondotik gipuzkoarrek garaipena lortu dute 5/4. Oroitaraztekoa da gipuzkoarrek garaitu zutela Senpereko ekipoa, finalerdietan. Denak pozik gelditu dira antolaketa ongi egina zelakoan. Bertzalde, Belgikatik etorri pilotariek demostrazioa eskaini dute "Balle-Pelote" aurkeztuz, hango berezitasuneko bota-luze modalitatea.

Christine Chollet, Larrekon

Goi-mailako artista frantsesaren ikusteko aukera izanen dugu, abenduaren 4an, ostegun arratsean (20:30). Zehazki aipatu aitzin eta nola lekuak mugatuak diren Larreko antzokian, lehenbailehenhartu sarrerak turismo bulegoetan edo antolatzaile den Culture et Patrimoine Senpere elkartearen webgunean.Nola asko informazioek argiaren abiadura hartzen duten, jadanik sarreren erreserbak martxan dira, ez huts egin berantagatik.