Herria | Herriz Herri

Kontzertu - Parropia

Kontzertu

Gertakari arraroa beharra zen joan den ebiakoitzean eta hala izan da: Basapiztiak, Lin Ton Taun, Gatibu, Punttu Kakotx eta Trikizio taldeekin zen hitzordua. Zoragarriko gazteriak karpapea mukuru bete zuen, haien artean lehenagoko gazte batzu barne. Bata besteak bezain onak izan diren talde ederrak entzun dira, besta sanoa izan da eta gaualdi hortan lehen saria norbaiti eman beharrean, antolaketan parte hartu duten 60 urepeldarreri eskainia izanen litzateke. Goresmenak zueri egin duzuen lan miresgarriarentzat!

Parropia

Omiasainduko meza urriaren 31n, ostiralez (17:00) Urepeleko elizan emana izanen da. Biharamunean, Omiasainduz, Bankan (9:00) eta Baigorrin (10:30).

3806. zbk

Gure Hitza | 2025/10/23

Motibatu!

Menane Oxandabaratz

Borroka sozialak, migratzaileen eta paperik gabekoen aldeko sustengu ekitaldiak, espekulazioaren kontrako mobilizazioak, euskararen aldeko ekintzak, genero berdintasunaren aldeko aldarrikapenak... Nazioartean eta hemen berean, gai hauen inguruan jende batzuk mobilizatzen dira. Hartuak diren erabaki politiko batzuen kontra altxatzen dira. Ondorioz militante batzuk arrastatuak, auziperatuak eta kondenatuak dira.

Kezka berriak agertu dira. Garaian ingurumenaren etorkizuna ez bazen premiazko puntuetan, gaur egun denen buruetan da. Lurraren defentsa, justizia soziala eta aberastasunaren banaketa aspaldiko urteetako aldarrikapenak beti aktualitatean dira.

Erabaki politiko batzuen kontra militante batzuk biltzen dira, ekintzak antolatzen dituzte. Horretarako kolektiboak muntatu dira, baliabide berriak ere sortu dira. Internetek lagundu du gertakari eta erabaki politiko batzuen inguruan...

Irakurri segida

Gurekin harremanetan sar